ओबीसी आरक्षण : सर्वोच्च न्यायालय २ मार्चला निकाल देण्याची शक्यता

नवी दिल्ली : पुढारी वृत्तसेवा
राज्यातील स्थानिक स्वराज्य संस्थांमध्ये इतर मागासवर्गीयांच्या (ओबीसी) आरक्षण प्रकरणी सुनावणी सर्वोच्च न्यायालयाने पुढे ढकलली आहे. बुधवारी, २ मार्च रोजी न्यायालय यासंबंधी निकाल देण्याची शक्यता आहे. न्यायालयाच्या निकालावर ओबीसींचे राजकीय भवितव्य अवलंबून असल्याने अवघ्या राज्याचे त्याकडे लक्ष लागले आहे. डिसेंबर महिन्यात न्यायालयाने स्थानिक स्वराज्य संस्थांच्या निवडणुकीतील ओबीसींच्या २७ टक्‍के आरक्षणाची अधिसूचना रद्द केली होती.

• Ukraine vs Russia : युक्रेनच्या ब्युटी क्वीनने घेतले शस्त्र हाती!

कुठलीही आवश्यक आकडेवारी गोळा न करता राज्यात आरक्षण देण्यात आल्याचा ठपका न्यायालयाने ठेवला होता. राज्य सरकारने आता राज्य मागासवर्ग आयोगाच्या आकडेवारीचा दाखला देत निवडणुकीत ओबीसी आरक्षणासाठी मुबलक आधार असल्याचे सांगत आदेश मागे घेण्याची विनंती न्यायालयाकडे केली आहे.

• ukraine russia war update : युक्रेनमध्ये अडकलेले सांगली जिल्ह्यातील सर्व विद्यार्थी सुखरूप 

न्यायमूर्ती ए.एम.खानविलकर यांच्या अध्यक्षतेखाली न्यायमूर्ती दिनेश माहेरश्वरी आणि न्यायमूर्ती सी.टी.रवीकुमार यांचा समावेश असलेल्या पीठाने ओबीसी आरक्षणावर बंदी आणली होती. पंरतु, या प्रकरणात राज्य सरकारने एक याचिका दाखल केली. त्यावर १९ जानेवारी रोजी सुनावणी झाली. यावेळी न्यायालयाने सरकारला राज्य मागासवर्ग आयोगाकडे ओबीसींच्या आकडेवारीसंबंधी डेटा जमा करण्याचे निर्देश दिले होते. आयोगाने याची चौकशी करावी, अशा सूचनाही दिल्या होत्या. आता राज्य सरकारने ८ फेब्रुवारी रोजी राज्य मागासवर्ग आयोगाकडे ही आकडेवारी दिली. शिवाय सर्वोच्च न्यायालयातही एक अहवाल दिल्याचे समजते.अशात न्यायालयाच्या निकालाकडे सर्वांचे लक्ष लागले आहे.

हेही वाचलं का?

• Russia Ukraine war : रशिया-युक्रेनमध्ये चर्चेची तयारी; रशियानं आक्रमणाची तीव्रता केली कमी
• Russia-Ukraine War : रशियाच्या हल्ल्यात युक्रेनचं जगातील सर्वात मोठं कार्गो विमान जळून खाक, नेमकं कसं झालं नष्ट?
• Russia Ukraine Crisis : 'पुढील २४ तास युक्रेनसाठी सर्वात कठीण', जाणून घ्‍या आतापर्यंतच्‍या ठळक घडामोडी