Nagpur Tragic Accident: तरुणीचा इलेक्ट्रिक बसखाली चिरडून दुर्दैवी मृत्यू; रस्त्याचे बांधकाम सुरू, एकाच मार्गाने वाहतूक

Nagpur Tragic Accident: नागपूरमध्ये एक अत्यंत दुर्दैवी अपघात झाला आहे. कामठी मार्गावर ई-बाईक अनियंत्रित होऊन तरूणी दुभाजकावर आदळली. त्यानंतर ती शेजारून जाणाऱ्या इलेक्ट्रिक बसच्या खाली आली अन् तरूणीचा जागीत मृत्यू झाला आहे. मृत तरूणीचे नाव अंजली पांडे असून सायोना पब्लिक स्कूलसमोर शुक्रवारी ही घटना घडली.

विशेष म्हणजे इथं रस्त्याचं बांधकाम सुरू असल्याने एकाच मार्गावरून दोन्ही दिशांची वाहतूक सुरू होती. याच मार्गावर दुचाकीचा ताबा सुटल्यानं अपघात झाल्याचा प्राथमिक अंदाज वर्तवला असून कपिलनगर पोलिसांनी मनपा बस चालकाला ताब्यात घेतलं आहे.