चंद्रपूर; पुढारी वृत्तसेवा : चंद्रपूर तालुक्यातील घोसरी गावात रात्रीच्या वेळी पानठेल्यावर खर्रा आणायला गेलेल्या महिलेवर अत्याचार केल्याची घटना घडली. ही घटना काल मंगळवारी (१३ जुलै) च्या रात्री ९ वाजता घडली.
प्राप्त माहितीनुसार, चंद्रपूर तालुक्यातील घोसरी येथील एक विवाहित महिला रात्री पानठेल्यावर खर्रा आणायला गेली. रात्री अंधार असल्याने त्याच गावातील विनायक बबन नगराळे (४०) याने सदर महिलेस कुठे गेली होती अशी विचारणा केली.
अधिक वाचा :
यानंतर त्याने तिला जबरदस्तीने उचलून जवळच्या शेतात नेले. तेथे त्याने तिच्यावर अत्याचार केला. महिलेने आरडा – ओरड करताच तिचा मुलगा आणि नवरा धावून आले.
त्यामुळे आरोपीने तेथून पळ काढला.
आज बुधवारी १४ जुलै रोजी पीडित महिलेने भद्रावती पोलिसांत तक्रार दाखल केली. त्यानुसार पोलिसांनी आरोपी विनायक नगराळे यास अटक केली असून त्याच्याविरुद्ध भा.दं.वि.३७६ कलमान्वये गुन्हा दाखल केला आहे.
अधिक वाचा :
दरम्यान, महिलांवर अत्याचार करण्याच्या आरोपाखाली अटक होण्याची चंद्रपूर तालुक्यातील तीन दिवसांतील दुसरी घटना आहे.
यापूर्वी दि.११ जुलै रोजी भद्रावती शहरातील डोलारा तलाव वस्तीतील अशोक नथ्थू वनकर या आरोपीस नाबालिक मुलीवर अत्याचार केल्याप्रकरणी अटक करण्यात आली होती.
हेही वाचले का?
पाहा व्हिडिओ : हेमांगी कवी ब्रा आणि बूब्जवर बोलली कारण..
https://youtu.be/pwbK_–MP4s
