यवतमाळ: पोलीस असल्याची बतावणी करून दागिने लंपास
यवतमाळ : पुढारी वृत्तसेवा : चोर आले आहेत, तुमच्याकडील सोन्याचे दागिने पिशवीत टाका, असे सांगून ४८ हजार ६०० रुपयांचे दागिने लंपास केल्याची घटना उमरखेड शहरातील डॉ. बाबासाहेब आंबेडकर वॉर्ड येथे घडली.
या प्रकरणी दोन भामट्यांविरोधात उमरखेड पोलिस ठाण्यात गुन्हा नोंदविण्यात आला आहे. नांदेड जिल्ह्यातील कामारी (ता. हिमायतनगर) येथील दिगंबर नारायण धोंगडे यांच्या पत्नीची फसवणूक करण्यात आली आहे. भामट्यांनी पोलिस असल्याची बतावणी करून दागिने काढा व पिशवीत टाका असे सांगितले, त्यानंतर पिशवी घेऊन ते पसार झाले.
हेही वाचा
