MLA residence video : आमदारांच्या कपबशा धुतल्या जातायत टॉयलेटमध्ये : आ. मिटकरींनी शेअर केला व्हिडीओ
पुढारी ऑनलाईन डेस्क : नागपुरात राज्य विधिमंडळाचे हिवाळी अधिवेशन सोमवारपासून (दि. १९) सुरु झालं आहे. राज्यातील सत्तांतर आणि शिवसेनेत फूट पडल्यानंतर पहिल्यादाच हे अधिवेशन सुरु आहे. अधिवेशनाच्या पहिल्या दिवसापासूनच हे अधिवेशन चर्चेत आहे. अधिवेशनात सत्ताधारी आणि विरोधी बाकावरील आमदार यांच्यात आरोप-प्रत्यारोपांच्या फैरी सुरु आहेत. यातच राष्ट्रवादीच्या आमदार अमोल मिटकरी यांनी अधिवेशनातील आमदार निवासस्थानातील गैरसोयीबद्दलचा एक व्हिडीओ (MLA residence video) आपल्या अधिकृत ट्विटर अकाउंटवर शेअर करत सत्ताधारांना धारेवर धरले आहे. पाहा नेमकं काय आहे या व्हिडिओमध्ये.
MLA residence video : कपबशा धुतल्या जातायत विशेष टॉयलेटमध्ये
राष्ट्रवादी काँग्रेसचे आमदार अमोल मिटकरी यांनी नागपूरमधील आमदार निवासामधील एक व्हिडीओ आपल्या अकाउंटवर शेअर करत लिहीले आहे की,”हे आहे नागपूर हिवाळी अधिवेशनातील आमदार निवासस्थानातील उपहारगृह. हजारो कोटीचे टेंडर कंत्राटदाराला दिल्यानंतर आमदारांच्या कपबशा धुण्यासाठी कंत्रादारांकडून विशेष टॉयलेटची व्यवस्था.” सोबत त्यांनी आझादी का अमृत महोत्सव असा हॅशटॅग दिला आहे. हा व्हिडीओ शेअर करत अमोल मिटकरी यांनी सरकारच्या बोंगळ कारभारावर निशाणा साधला आहे. २० सेकंदाच्या या व्हिडिओमध्ये दिसतं आहे की, एक कर्मचारी टॉयलेटमधील बेसीनमध्ये कपबश्या धुवत आहे. हा व्हिडिओ सोशल मीडियावर व्हायरल झाल्यानंतर आता आमदार निवासस्थानातील गैरसोयीबद्दल आमदारांच्या काय प्रतिक्रिया येतात, याकडे लक्ष लागून राहिले आहे.
हे आहे नागपूर हिवाळी अधिवेशनातील आमदार निवासस्थानातील उपहारगृह. हजारो कोटीचे टेंडर कंत्राट दाराला दिल्यानंतर आमदारांच्या कपबशा धुण्यासाठी कंत्रादारांकडून विशेष टॉयलेटची व्यवस्था.#आझादीकाअमृतमहोत्सव. pic.twitter.com/pi5rJnJxfm
— आ. अमोल रामकृष्ण मिटकरी (@amolmitkari22) December 21, 2022
प्रबोधनकार ठाकरेंच्या “माझी आत्मकथा ” या पुस्तकाचा दाखला देणारे देवेंद्रजी फडणवीस यांना प्रबोधनकारांचे “धर्माची देवळे व देवळाचा धर्म” हे मान्य आहे का ?आणि एक प्रकारे भीक मागणे या शब्दाचे तुम्ही समर्थन करत आहात का ?महाराष्ट्राला उत्तर द्यावे.
— आ. अमोल रामकृष्ण मिटकरी (@amolmitkari22) December 21, 2022
हेही वाचा :
- राहुरी : स्वाभिमानी शेतकरी संघटनेच्या आंदोलनाला सेनेची धार, आंदोलकांच्या मुळा धरणात उड्या
- पुणेकरांवरील मिळकतकराचा तीनपट दंड माफ करा : आ. टिंगरे व तुपे यांची विधानसभेत मागणी
- नागपूर : वैद्यकीय महाविद्यालयात व्हेंटीलेटरअभावी माता-पित्यासमोर तरुणीचा मृत्यू : अजित पवारांनी सरकारला धारेवर धरले
- Omicron Variant BF.7 | चीनमध्ये कोरोनाचा उद्रेक : लसीकरणानंतरही होणारा ‘हा’ व्हॅरिएंट ठरतोय घातक
- MNS Social Media : “आधी राजीनामा द्या, मग काय करायचे ते करा” राज ठाकरेंची मनसे सैनिकांना ताकीद