चंद्रपूर : बल्लारपूरच्या 'त्या' घटनेत मृत्यू झालेल्या निलिमाचे मरणोत्तर नेत्रदान
चंद्रपूर; पुढारी वृत्तसेवा : बल्लारपूर येथील रेल्वे लोखंडी पुलाचा काही भाग तुटल्याने घडलेल्या अपघातात निलीमा भिमराव रंगारी (वय ४८, रा. बल्लारपूर) यांचा मृत्यू झाला. त्यांच्या मृत्यूनंतर रंगारी परिवाराने सामाजिक जाणीवेतून शासकीय रुग्णालय चंद्रपूर येथील नेत्रपेढीला निलिमाचे नेत्रदान केले. दु:खाच्या प्रसंगी रंगारी परिवाराचा हा निर्णय समाजाला दिशा देणारा आहे.
रविवारी (दि.२७) सायंकाळी पाचच्या सुमारास बल्लारपूर रेल्वे स्टेशनवर प्लॅटफॉर्म क्र. 1 व 2 वरील पादचारी लोखंडी पूलाचा काही भाग कोसळला. या अपघातात गंभीर जखमी झालेल्या निलिमा रंगारी या शिक्षिकेचा मृत्यू झाला. या घटनेनंतर रंगारी कुटुंबियांनी निलिमाचे मरणोत्तर नेत्रदान केले. गडचिरोली जिल्ह्यातील आष्टी येथील निधी ही पुणे येथे शिक्षणासाठी रविवारी जात होती. तिला सोडण्यासाठी तिच्या कुटुंबियांसह निलिमा रेल्वे स्थानकावर आल्या होत्या. यावेळी हा अपघात झाला होता.
हेही वाचा :
- Attack on aftab : आफताबला घेवून जाणाऱ्या जेल व्हॅनवर तलवार हल्ला करणारे आहेत तरी कोण? जाणून घ्या
- गुड न्यूज: लिपीक-टंकलेखक पदांची सर्वांत मोठी भरती एप्रिलमध्ये, जानेवारीत निघणार जाहिरात
- मोठी बातमी: राज्यातील वाळू लिलाव बंद होणार, पंधरा दिवसांमध्ये नवीन वाळू धोरण