नागपूर : वाघिणीच्या दातानेच घेतला नवजात बछड्याचा जीव; वन्यप्रेमींमध्ये हळहळ
यावेळी प्राणीसंग्रहालयाचे पशुवैद्यकांसह महाराष्ट्र मत्स्य आणि पशू विज्ञान विद्यापिठातील तज्ज्ञ डॉक्टरांचे पथक प्राणिसंग्रहालयात उपस्थित होते. रात्री उशिरा तिच्या प्रसववेदना थांबल्यानंतर तिच्या गर्भात आणखी पिल्ले आहेत किंवा असल्यास त्याबाबत पुढील उपचार या तज्ज्ञ डॉक्टरांच्या मार्गदर्शनात करण्यात येत आहे. ‘ली’ आणि ‘राजकुमार’ या गोरेवाडा प्राणी उद्यानातील वाघाच्या जोडीला पिल्ले होण्यासाठी गेल्या २ वर्षांपासून प्रयत्न सुरु आहेत. ११ वर्षांच्या ली वाघिणीचे वय जास्त असल्याने सदर प्रयत्नांना अपेक्षित यश मिळण्यास अडचणी होत्या. वाघाचे नैसर्गिक आयुष्य १२ ते १४ वर्षे असते. गेले महिनाभर आधीपासून ली वाघिणीला राजकुमार वाघापासून स्वतंत्र ठेवून तिच्या गर्भारपणासाठी विशेष व्यवस्था करण्यात आली होती. तिच्या नैसर्गिक पद्धतीने प्रसव होण्यासाठी तिच्या रात्र निवाऱ्यात विशेष बाळंतगुफा तयार करण्यात आलेली होती. या गुफेत तापमान आणि प्रकाश नियंत्रण व्यवस्थेव्यतिरिक्त रबरी मॅट, गवताच्या गाद्या याशिवाय कुलरची सोय करण्यात आली होती. वाघिणीच्या नैसर्गिक वर्तवणुकीत बदल न होता लक्ष देण्यासाठी विशेष CCTV कॅमेरे बसविण्यात आले होते.
हेही वाचलतं का ?
- जयसिंगपुरात पत्नीवर धारदार शस्त्राने वार करून पतीची गळफासाने आत्महत्या
- Mumbai : नायरेजेरीयनच्या ‘या’ पट्ट्याने मुंबईत माजवली दहशत; उच्च न्यायालयाच्या बाहेरच जीवघेण्या हल्ल्यांचे सत्र
- अंजनेरी हेही हनुमानाचे जन्मस्थळ, हे सर्वांनी मान्य करावे- आचार्य गंगाधरशास्त्री पाठक
- बेळगाव : विजेचा धक्का बसून बांधकाम मजूर ठार, तिघे जखमी