चंद्रपूर : उर्जानगर येथे दहशत माजविणारा वाघ जेरबंद

चंद्रपूर; पुढारी वृत्तसेवा : चंद्रपूर शहराला लागून असलेल्या दुर्गापूर, ऊर्जानगर, वेकोली व महाऔष्णिक विज केंद्र परिसरात दोघांचा बळी घेऊन दहशत माजविणाऱ्या वाघांपैकी काल मंगळवारी (21 फेब्रुवारी 2022) ला रात्री साडेनऊच्या सुमारास एका पट्टेदार वाघाला जेरबंद करण्यात आले आहे. उर्जानगर वसाहतीत रात्रीच्या सुमारास मुक्त संचार करताना वाघांच्या बंदोबस्तासाठी नियुक्त करण्यात आलेले वनविभाग व महाऔष्णिक विज केंद्राच्या विशेष पथकाने ही कारवाई केली आहे.

• चंद्रपूर : विदर्भातील सारस पक्षाला वाचविण्यासाठी चंद्रपूरात सारस समितीची स्थापना

मागील आठवड्यात बुधवारी (16 फेब्रुवारी) व गुरूवारी (17 फेब्रुवारी) रोजी दुर्गापूर व ऊर्जानगर परिसरात दोघांचा वाघाने बळी घेतल्याची घटना नूकतीच घडली होती. बुधवारी साडेदहाच्या सुमारास महाऔष्णिक वीज केंद्रातून घरी परतणाऱ्या 52 वर्षीय भोजराज मेश्राम यांना वाघाने रस्त्यातून फरफटत नेत ठार केले होते. दुसऱ्या दिवशी त्या कामगाराचा मृतदेह आढळून आला होता. या घटनेने कामगारांनी कामबंद आंदोलन करून जीव वाचविण्यासाठी आंदोलन केले होते. ही घटना ताजी असतानाच दुसऱ्या दिवशीही रात्री अकराच्या सुमारास ऊर्जानगरातील एका सोळा वर्षीय राज भडके या मुलाला वाघाने वस्तीतून उचलत फरफटत नेऊन ठार केले. रात्रभर शोधमोहीम सुरु केली असता वेकोली वर्कशॉप परिसरात मृतदेह आढळून आला होता. या दोन्ही घटना भरवस्तीत घडल्याने नागरिकांमध्ये दहशत निर्माण झाली आहे.

• चंद्रपूर जिल्ह्यात तीन दिवसात तिघांचा वाघाच्या हल्ल्यात बळी

या पार्श्वभूमीवर या परिसरात आंदोलन सुरू करण्यात आले आहे. या घटनेनंतर सर्वच राजकीय पक्षांनी वाघांच्या बंदोबस्त करून नागरिकांचे संरक्षण करण्याची मागणी केली होती. दरम्यान मंत्री तनपूरे ताईंनी चंद्रपुरात येवून तातडीने वाघांचा बंदोबस्त करण्याचे आदेश दिले होते.

या आदेशानंतर वनविभाग व महाऔष्णिक विज केंद्राच्या विशेष पथकांची नियुक्ती करून वाघाला जेरबंद करण्यासाठी पाळत ठेवण्यात आली आहे. काल मंगळवारी रात्री साडेनऊच्या सुमारास ऊर्जानगर परिसरात व वाघाचा मुक्तसंचार आढळून आला. यावेळी त्याला जेरबंद करण्यात आले. या परिसरात आठ वाघ व बिबटे असल्याची माहिती मिळाली आहे. या वाघांपैकी एका वाघाला जेरबंद करण्यात यश आले आहे. मात्र उर्वरित वाघांचा बंदोबस्त करण्याची मागणी अजून कायम आहे. उरलेल्या वाघांच्या बंदोबस्तासाठी वनविभाग व महाऔष्णिक वीज केंद्राचे विशेष पथक पाळत ठेवून आहे.

हेही वाचलत का?

• Iphone 14 ची नवीन सीरिज लाॅंच होणार, हे असतील फिचर्स
• डोंबिवली : गॅस एजन्सी कर्मचाऱ्यास बेदम मारहाण, माजी आमदार संजय दत्त यांच्याविरोधात गुन्हा दाखल
• Richa Ghosh : रिचा घोषनं इतिहास रचला; महिला क्रिकेटमध्ये ठोकलं वेगवान अर्धशतक

ठाणे : समीर वानखेडेंना पोलिसांनी बजावले समन्स https://t.co/5UzQViKAQf #pudharinews #pudharionline #sameerwankhede

— Pudhari (@pudharionline) February 22, 2022