ठाणे: अखेर ‘त्या’ बालिकेची मृत्यूशी झुंज संपली; पलावा गृहसंकुल परिसरावर शोककळा

डोंबिवली : पुढारी वृत्तसेवा : कल्याण-शिळ महामार्गावर असलेल्या पलावा गृह संकुलातील बहुमजली इमारतीच्या पाचव्या मजल्यावर राहणारी चार वर्षांची अवनी पाठक ही बालिका खिडकीतून खाली कोसळली. खिडकीला जाळ्या नसल्याने शुक्रवारी संध्याकाळच्या सुमारास हा अपघात घडला होता. या अपघातात गंभीर जखमी झालेल्या अवनीवर डोंबिवली एमआयडीसीच्या निवासी विभागातील एका खासगी हॉस्पिटलमध्ये उपचार सुरू होते. रविवारी या बालिकेने अखेरचा श्वास घेतला. या घटनेनंतर अवनी राहत असलेल्या परिसरात शोककळा पसरली आहे.

इमारतीतील रहिवाशांनी अवनीला शेडवरून खाली आणले आणि तिच्यासह रावत यांनाही डोंबिवली एमआयडीसीच्या निवासी विभागातील एका खासगी हॉस्पिटलमध्ये तातडीने दाखल केले. जखमी रावत यांच्यावर उपचार करून त्यांना घरी सोडण्यात आले. अवनीला अतिदक्षता विभागात व्हेंटिलेटरवर ठेवण्यात आले होते. सुरूवातीला ती उपचारांना प्रतिसाद देत होती. मात्र रविवारी सकाळी तिची प्रकृती चिंताजनक झाली. अखेर उपचारादरम्यान मृत्यूशी झुंज देणाऱ्या अवनीला तेथील डॉक्टरांनी मृत घोषित केले. या घटनेची मानपाडा पोलिस ठाण्यात नोंद करण्यात आली आहे. पोलीस पुढील तपास करत आहेत.