महाबळेश्वरचे पर्यटन पुन्हा बहरले; सर्वच पर्यटनस्थळे खुली
महाबळेश्वर; पुढारी वृत्तसेवा : देशविदेशातील पर्यटकांच्या पसंतीचे व सर्वाधिक पावसाचे ठिकाण म्हणून ओळखल्या जाणाऱ्या महाबळेश्वर पर्यटनस्थळ सर्वासाठी खुले झाले आहे. येथील सर्वच प्रेक्षणीय स्थळे पर्यटकांसाठी खुली करण्यात आली आहेत. महाबळेश्वरचे मुख्य आकर्षणाचे ठिकाण असलेला वेण्णालेक नौकाविहारही शनिवारपासून पर्यटकांसाठी खुला झाल्याने महाबळेश्वरचे पर्यटन बहरले आहे.
- कर बचत : महागडे सामान खरेदी करताय?
- ई-रुपी च्या अंतरंगात…
- पद्मश्री डॉ. विठ्ठलराव विखे पाटील यांचे कार्य प्रेरणादायी : कृषी आयुक्त धीरज कुमार
गत सप्ताहात प्रशासनाच्यावतीने घेतलेल्या बैठकीत प्रेक्षणीयस्थळे सुरु करण्याबाबतचा निर्णय घेण्यात आला होता. याच पार्श्वभूमीवर वेण्णालेक नौकाविहार पर्यटकांसाठी खुला करण्यात आला आहे. त्यामुळे पर्यटकांची रेलचेल या परिसरात पहावयास मिळत आहे.
येथील अल्हाददायक थंड हवा, धुक्याची दुलई आणि डोळ्याचे पारणे फेडणारी हिरवाईचा सुखद अनुभव घेण्यासाठी पर्यटकांची पावले महाबळेश्वरकडे वळू लागली आहेत.
- Panjshir Valley : तालिबानला पहिला दणका, पंजशीर खोऱ्यातील संघर्षात ३०० दहशतवाद्यांचा खात्मा
- अफगाणिस्तान : वीस वर्षांत उभारलेलं सगळं काही उद्ध्वस्त झालं!
- कोरोना प्रतिबंधक लस घेऊनदेखील ८ हजार ८६९ नागरिकांना कोरोना
महाराष्ट्राचे नंदनवन असलेले महाबळेश्वर हे जगप्रसिध्द पर्यटनस्थळ असून, देशविदेशातील पर्यटकांच्या हक्काचे ठिकाण म्हणूनही ओळखले जाते.
गेली चार पाच महिने कोरोना प्रादुर्भावामुळे वेण्णालेकसह येथील सर्वच प्रेक्षणीयस्थळे बंद होती. महाबळेश्वरकरांसाठी एप्रिल व मे महिन्याचा हंगाम आर्थिकदृष्ट्या महत्वाचा मानला जातो. मात्र, कोरोनामुळे येथील सर्वांचेच गणित बिघडले. पर्यटकांनाही पर्यटनास मुकावे लागले.
- कोरोना प्रतिबंधक लस घेऊनदेखील ८ हजार ८६९ नागरिकांना कोरोना
- वरद पाटील हत्याप्रकरणी 10 तपास पथके कार्यरत
- शेरशाह : सिद्धार्थ मल्होत्रा याचा सर्वाधिक फॅन-रेटेड चित्रपट
दरम्यान, महाबळेश्वरमधील सर्वच प्रेक्षणीय स्थळे पर्यटकांसाठी खुली करण्यात आल्याने पर्यटक खुश आहेत. ओसंडून वाहणारा लिंगमळा धबधबा, धुक्यात हरवलेले केट्स विल्सन ऑर्थरसीट-मुंबई पॉईंट या प्रमुख प्रेक्षणीय स्थळांवर पर्यटकांची पावले पडू लागली आहेत. त्यामुळे पुन्हा एकदा महाबळेश्वरचे पर्यटन बहरले आहे.