Pune Temperature: पुण्यात थंडीचा कडाका वाढला; एनडीएमध्ये पारा १०.२ अंशांवर, राज्यातील नीचांकी तापमानाची नोंद

शिवाजीनगरमध्ये १२.१ अंश सेल्सिअस तापमान; नोव्हेंबरमधील सर्वकालीन नीचांकी तापमानाचा विक्रम १९६४ मधील ४.६ अंशांचा
Pune Winter Temperature
Pune Winter TemperaturePudhari
Published on: 
Updated on: 

पुणे: शहरात थंडीचा कडाका वाढला असून, रविवारी (दि. १५) एनडीए १०.२, तर शिवाजीनगर येथे १२.१ अंश सेल्सिअस इतक्या किमान तापमानाची नोंद झाली. हे तापमान रविवारी राज्यात नीचांकी ठरले. शहरात २७ नोव्हेंबर १९६४ रोजी ४.६ अंश इतके नीचांकी तापमान नोंदले गेले होते.

Pune Winter Temperature
Pune Shirur Highway Project: पुणे-शिरूर महामार्गाचा ‘दुहेरी’ प्रकल्प रखडला; ७,३०० कोटींचे काम अद्याप सर्वेक्षणातच!

शिवाजीनगर येथील तापमानात सरासरीपेक्षा ३.३ अंशांनी घट झाली आहे. त्यामुळे पहाटे शहरात गारठा जाणवत आहे. गेल्या काही दिवसांपासून आकाश निरभ्र असल्याने रात्री उष्णतेचे विकिरण वेगाने होत आहे.

Pune Winter Temperature
Ramwadi Wagholi Metro: रामवाडी-वाघोली मेट्रोचा वेग मंदावला; २०२९ पर्यंत नगर रस्त्यावरील कोंडी कायम राहणार?

परिणामी, पहाटेच्या किमान तापमानात घट होत आहे. भारतीय हवामानशास्त्र विभागाच्या नोंदीनुसार पुण्यात नोव्हेंबर महिन्यातील सर्वकालीन नीचांकी तापमान २७ नोव्हेंबर १९६४ रोजी नोंदविण्यात आले होते. त्या वेळी पारा ४.६ अंशांपर्यंत घसरला होता. नोव्हेंबर २०१२ मध्येही तापमान ७.९ अंशांवर गेले होते, तर नोव्हेंबर २०२२ मध्ये ८.८ अंशांची नोंद झाली होती.

Pune Winter Temperature
Pune Vegetable Market Rates: पुण्यात काकडीचे दर दुप्पट; भेंडीही महागली, फ्लॉवर-कोबी स्वस्त!

पुढील दोन दिवस शहरात आकाश निरभ्र राहण्याचा अंदाज आहे. त्यामुळे किमान तापमान १२ ते १३ अंशांच्या आसपास राहण्याची शक्यता आहे. सकाळी आणि रात्री थंडी जाणवणार असून, दुपारच्या वेळी मात्र तुलनेने उबदार वातावरण राहील.

Pune Winter Temperature
Pune Fruit Market Rates: पुण्यात डाळिंबाचे भाव १० टक्क्यांनी घसरले; खरबूज, पपईसह 'या' फळांना तेजी!

बंगालच्या उपसागरात तयार होत असलेल्या चक्रीवादळाचा परिणाम शहरावर जाणवण्यास अजून दोन ते तीन दिवस लागतील. त्या भागातून शहरात बाष्पयुक्त वारे वेगाने आले, तर थंडीत लगेच वाढ होण्याची शक्यता आहे.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.