Pune Water Cut: दिवाळीची सवलत संपली; पुण्यात गुरुवारपासून पुन्हा साप्ताहिक पाणीकपात

२० नोव्हेंबरला संपूर्ण शहराचा पाणीपुरवठा बंद; शुक्रवारी अनेक भागांत कमी दाबाने आणि उशिराने पाणी मिळण्याची शक्यता
Water Supply
Water SupplyPudhari
Published on: 
Updated on: 

पुणे: दिवाळी सणाच्या पार्श्वभूमीवर सलग दोन आठवडे स्थगित ठेवण्यात आलेली पुणे शहरातील साप्ताहिक पाणीकपात आता पुन्हा सुरू होणार आहे. येत्या गुरुवारपासून (दि.२०) महापालिकेकडून नियमित पाणीकपातीचे वेळापत्रक लागू केले जाणार आहे.

Water Supply
Pune Water Supply: पुण्याच्या पाणीटंचाईवर तोडगा शोधण्यासाठी महापालिकेची मुख्यमंत्र्यांकडे धाव; मुळशीतून ५ टीएमसी पाण्याची मागणी

त्यामुळे गुरुवारी संपूर्ण शहराचा पाणीपुरवठा बंद राहणार असून, शुक्रवारीही अनेक भागांत कमी दाबाने आणि उशिराने पाणी मिळण्याची शक्यता आहे. दिवाळीच्या काळात मिळालेला दिलासा संपल्याने पुणेकरांना पुन्हा पाणीकपातीचा सामना करावा लागणार आहे.

Water Supply
Alandi Kartiki Yatra 2026: आळंदीच्या कार्तिकी यात्रेसाठी प्रशासन सज्ज; १ हजार मोबाईल टॉयलेट, १८० सीसीटीव्हींचे नियोजन

शहराला पाणीपुरवठा करणाऱ्या जलस्रोतांमधील उपलब्ध पाणीसाठा आणि आगामी काळातील संभाव्य कमी पर्जन्यमानाचा विचार करून महापालिकेने पाणीकपातीचे नियोजन केले आहे. त्यानुसार १५ ऑक्टोबरपासून दर गुरुवारी संपूर्ण शहराचा पाणीपुरवठा बंद ठेवण्याचा निर्णय घेण्यात आला होता.

Water Supply
Haveli Crop Loss Panchnama: सिंहगड-पश्चिम हवेलीतील शेतकऱ्यांचे पीक नुकसान पंचनामे ग्रामपंचायतीतच धूळखात!

मात्र, दिवाळी सणाच्या पार्श्वभूमीवर नागरिकांची गैरसोय होऊ नये, यासाठी ५ आणि १२ नोव्हेंबर रोजीची नियोजित पाणीकपात रद्द करण्यात आली होती. त्यामुळे सलग दोन आठवडे पुणेकरांना दिलासा मिळाला होता. सणासुदीच्या काळातील ही सवलत आता संपुष्टात आली आहे. गुरुवारपासून पुन्हा नियमित पाणीकपात लागू होणार आहे. यासंदर्भात महापालिकेच्या पाणीपुरवठा विभागाने मंगळवारी परिपत्रक जारी केले आहे.

Water Supply
Nira Valley Water Release: निरा खोऱ्यातील शेतकऱ्यांना दिलासा; वीर धरणातून दोन्ही कालव्यांना पूर्ण क्षमतेने पाणी

उपलब्ध पाणीसाठ्याचा काटकसरीने वापर व्हावा आणि भविष्यातील पाणीपुरवठ्याचे नियोजन सुरळीत करता यावे, हा या निर्णयामागील उद्देश असल्याचे प्रशासनाने स्पष्ट केले आहे. नागरिकांनी पाण्याचा जपून वापर करावा आणि आवश्यक तेवढाच पाणीसाठा करून ठेवावा, असे आवाहनही करण्यात आले आहे.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.