माझे सलून आहे. त्यामुळे रात्री घरी यायला उशीर होतो. रात्री ही भटकी कुत्री रस्त्यावरून जाणार्‍या दुचाकी गाड्यांचा पाठलाग करतात. दुचाकी आली की, कुत्र्यांचे टोळके सावजावर हल्ला केल्यासारखे गाडीच्या मागे धावतात. 10 ते 11 कुत्री एकाच वेळी पाठलाग करतात. त्यामुळे अनेक दुचाकीस्वारांना अपघातास सामोरे जावे लागले आहे. एखादी मोठी दुर्घटना घडल्यानंतर संबंधित प्रशासन कारवाई करणार का?
– मनोज दळवी,
नागरिक, विठ्ठलवाडी
आकुर्डी परिसरातील भटक्या कुत्र्यांच्या लवकरच बंदोबस्त करू; तसेच निर्बीजीकरण करून त्यांचे लसीकरणही करण्यात येईल.
– अरुण दगडे, पशुवैद्यकीय अधिकारी
मी सायंकाळी फिरायला जाताना मागून कुत्र्याने हल्ला करून माझ्या पायाचा लचका तोडला. माझे वय 80 आहे. कुत्रा चावल्याने इंजेक्शन घेण्यासाठी वायसीएम रुग्णालयात फेर्‍या माराव्या लागल्या. जखमेचा त्रास महिनाभर होता. चालताही येत नव्हते.
– मदनलाल कर्नावट,
नागरिक, विठ्ठलवाडी
