जळोची: बारामती औद्योगिक वसाहतीत एका कंपनीवर मध्यरात्री शासकीय यंत्रणेने छापा घातल्याची खात्रीशीर माहिती असून हा छापा कशासाठी होता व त्यातून यंत्रणेच्या हाती काय लागले? याबाबत अद्याप माहिती नाही.
रविवार १६ नोव्हेंबर रोजी पहाटे दीड ते दोन च्या सुमारास बारामती एमआयडीसी मधील जी ब्लॉक मध्ये लघु कंपनी मध्ये शासकीय अधिकारी रसायनेचे सॅम्पल घेत होते अशी माहिती समोर आली आहे. या प्रकरणातील व्हिडिओ समोर आला असून आत मध्ये येण्यास अधिकाऱ्यांनी मज्जाव घातला होता व्हिडिओ काढत असलेली व्यक्ती आम्हाला माहिती मिळाली असून आम्ही या ठिकाणी आलो आहोत असे सांगताना दिसत आहे.
दरम्यान या व्हिडिओमध्ये एक अधिकारी आम्ही सॅम्पल घेत आहोत रात्रीच्या वेळी ही कंपनी सुरू का होती याविषयी आम्हाला सस्पेन्स आहे.
मात्र या संदर्भातील कुठलीही माहिती आत्ताच देता येणार नाही तसेच नेमकी कशा संदर्भात तक्रार आहे. याची माहिती उघड करता येणार नसल्याचे या व्हिडिओमध्ये संबंधित यंदाचा अधिकारी बोलत असल्याचे समोर आले आहे.
संबंधित कंपनीमध्ये मानवी शरीराला अपायकारक केमिकल तयार होत असल्याची चर्चा उद्योजकांमध्ये दबक्या आवाजात असून सदर प्रकरण दाबण्या साठी अधिकारी व उद्योजक यांच्यात साटेलोटे झाले असल्याचे बोलले जात आहे.
