पुणे : आता मराठी व्यावसायिक नाटके फक्त महाराष्ट्रापुरती मर्यादित राहिलेली नसून, कोरोना साथीनंतर मराठी व्यावसायिक नाटकांचा झेंडा पुन्हा एकदा सातासमुद्रापार रोवला जात आहे. कोरोनामुळे आलेली मरगळ झटकत पुन्हा एकदा नव्या उर्जेने मराठी रंगभूमी पूर्वपदावर आली असून, मराठी व्यावसायिक नाटकांचे प्रयोग आता पूर्वीप्रमाणेच परदेशातही होऊ लागले आहेत. अमेरिका, ऑस्ट्रेलिया, जर्मनी, न्यूझीलंड, इंग्लंड…अशा विविध देशांमध्ये नाटकांचे प्रयोग होत असून, परदेशातील नाट्यरसिकांकडून प्रयोगांना भरघोस प्रतिसाद मिळत आहे. नाट्यनिर्माते परदेशात नाटक सादर करण्यासाठी पुढाकार घेत असताना अनेक नामवंत सेलिबि—टी पुन्हा एकदा रंगभूमीकडे वळाले आहेत.