शेळगाव: शेळगाव (ता. इंदापूर) येथील एक १७ वर्षीय अल्पवयीन पीडितेवर तिच्याच वृद्ध नातेवाईकाने बलात्कार केला. याप्रकरणी पोलिस तक्रारीनंतर नराधम नातेवाईकाच्या मुसक्या वालचंदनगर पोलिसांनी आवळल्या. या घटनेबद्दल शेळगाव परिसरातून संताप व्यक्त होत आहे. आरोपी नातेवाईकावर विविध कलमातंर्गत गुन्हे दाखल करण्यात आले आहे. (Latest Pune News)
वालचंदनगर पोलिसांनी दिलेल्या माहितीनुसार, शेळगाव येथे पीडित मुलगी आपल्या कुटुंबियांसमवेत संबंधित वृद्ध नातेवाईकाच्या घराजवळ सन २००८ पासून राहत आहे. पीडितेच्या नातेवाईकाचे तिच्या घरी सतत ये-जा होती. मागील १० दिवसांपूर्वी पीडिता ही मावशीकडे आली व माझ्या पोटात दुखत असून मला मासिक पाळी येत नाही असे तिने सांगितले. सोमवारी (दि. २७) मावशीने पीडितेला इंदापूर शासकीय रुग्णालयात नेले.
तेथे तपासणी केली असती ती तीन महिन्याची गर्भवती असल्याचे डॉक्टरांनी सांगितले. पीडितेस मावशीने या घटनेबाबत विचारणा केली असता तिने सांगितले की, मागील तीन महिन्यांपूर्वी आपले एक नातेवाईक दुपारी घरी आले होते. त्यांनी माझ्यावर जबरदस्ती केली. शिवाय या घटनेबद्दल कुणाला सांगितले तर तुझा आई-वडिलांना मारून टाकेन, अशी धमकी दिली. धमकी दिल्यामुळे पीडितेने या प्रकाराबदल कोणाला सांगितले नाही. परंतु पीडितेला त्रास होऊ लागल्याने हा प्रकार घडकीस आला. या प्रकारबद्दल शेळगाव परिसरातून तीव्र संताप व्यक्त होत असून या घटनेची फिर्याद पीडितेच्या आईने दिली.
संबंधित नराधम वृद्ध नातेवाईक आरोपीस पोलिसांनी अटक केली असून न्यायालयात उपस्थित केले असतात त्याला १ नोव्हेंबरपर्यंत पोलिस कोठडी सुनावण्यात आली.
