पिंपरी (पुणे), पुढारी वृत्तसेवा: हिंजवडी होर्डिंग कोसळून खालील दुकानांचे नुकसान झाले. ही घटना मंगळवारी (दि. 30) घडली. याप्रकरणी होर्डिंगमालकाच्या विरोधात गुन्हा दाखल करण्यात आला आहे. सिद्धार्थ श्रीकांत देवबागकर (36, रा. संगमवाडी, पुणे) यांनी हिंजवडी पोलिस ठाण्यात फिर्याद दिली आहे. त्यानुसार, संजय दुधाने (रा. कोथरूड, पुणे) याच्याविरोधात गुन्हा दाखल करण्यात आला आहे. पोलिसांनी दिलेल्या माहितीनुसार, हिंजवडी येथील विबगेअर स्कूलशेजारी लावलेले होर्डिंग मंगळवारी कोसळले. यामध्ये दुकानाचे मोठ्या प्रमाणात नुकसान झाले. तसेच, तीनजण किरकोळ जखमी झाले असल्याचे फिर्यादीत म्हटले आहे. होर्डिंग मालकाने लोकांच्या जीवितास, मालमत्तेस व सुरक्षिततेस धोका निर्माण होईल अशा पद्धतीने होर्डिंग उभे केल्याचे फिर्यादीत नमूद आहे. हिंजवडी पोलिस तपास करीत आहेत.
हेही वाचा:
