अविनाश दुधवडे
चाकण : खेड कृषी उत्पन्न बाजार समितीच्या चाकण येथील महात्मा फुले मार्केट यार्डमध्ये टोमॅटो, कोबी, हिरवी मिरची व भेंडीची उच्चांकी आवक झाली. पालेभाज्यांच्या बाजारात पालक, कोथिंबीर, मेथी व शेपूची मोठी आवक होऊनही भाव कडाडले. वाटाणा, वांगी, फ्लॉवर, फरशी, काकडी, भोपळा, भेंडी, गवार, टोमॅटो, कारली, दोडका यांची मोठी आवक झाली. एकूण उलाढाल 5 कोटी 60 लाख रुपये झाली.(Latest Pune News)
चाकण बाजारात कांद्याची आवक घटली. कांद्याची एकूण 1 हजार 250 क्विंटल आवक झाली. कांद्याला 1,500 रुपयांपर्यंत भाव मिळाला. बटाट्याची एकूण आवक 1,500 क्विंटल झाली. बटाट्याला कमाल भाव 2,200 रुपये मिळाला.
लसणाची एकूण आवक 30 क्विंटल झाली. लसणाचा कमाल भाव 6 हजार रुपयांवर स्थिरावला. हिरव्या मिरचीची एकूण आवक 380 क्विंटल झाली. हिरव्या मिरचीला 3 हजार 500 रुपयांपासून 4 हजार 500 रुपयांपर्यंत भाव मिळाला.
शेतीमालाची आवक व बाजारभाव पुढीलप्रमाणे : कांदा - एकूण आवक - 1,250 क्विंटल. भाव क्रमांक - 1. 1,500 रुपये, भाव क्रमांक 2. 1,000 रुपये, भाव क्रमांक 3. 800 रुपये. बटाटा - एकूण आवक - 1,500 क्विंटल. भाव क्रमांक 1. 2,200 रुपये, भाव क्रमांक 2. 1,800 रुपये, भाव क्रमांक 3. 1,200 रुपये.
फळभाज्या : एकूण आवक क्विंटलमध्ये व प्रतिदहा किलोंसाठी मालाला मिळालेले भाव कंसात रुपयांत पुढीलप्रमाणे - टोमॅटो - 322 क्विंटल (1,000 ते 2,000), कोबी - 182 क्विंटल (1,000 ते 2,000), फ्लॉवर - 190 क्विंटल (1,500 ते 2,200), वांगी - 82 क्विंटल (2,500 ते 3,500), भेंडी - 84 क्विंटल (2,000 ते 4,000), दोडका - 64 क्विंटल (2,000 ते 4,000), कारली - 68 क्विंटल ( 2,000 ते 3,000), दुधीभोपळा - 56 क्विंटल (1,000 ते 2,500), काकडी - 92 क्विंटल (800 ते 1,200), फरशी - 24 क्विंटल (4,000 ते 5,000), वालवड - 44 क्विंटल (4,000 ते 7,000), ढोबळी मिरची - 128 क्विंटल (4,000 ते 6,000), चवळी - 42 क्विंटल (2,500 ते 3,500), वाटाणा - 10 क्विंटल (1,800 ते 2,200), शेवगा - 8 क्विंटल (6,000 ते 8,000), गाजर - 112 क्विंटल (5,000 ते 6,000), गवार - 16 क्विंटल (7,000 ते 9,000), आले - 155 क्विंटल ( 3,000 ते 4,000).
पालेभाज्या : पालेभाज्यांची एकूण आवक जुड्यांमध्ये व भाज्यांना मिळालेले भाव पुढीलप्रमाणे - मेथी - एकूण 8 हजार 410 जुड्या (1,500 ते 2,500 रुपये), कोथिंबीर - एकूण 27 हजार 450 जुड्या (300 ते 700 रुपये), शेपू - एकूण 4 हजार 150 जुड्या (800 ते 1,200 रुपये), पालक - एकूण 3 हजार 840 जुड्या (600 ते 1,000 रुपये).
जनावरे : जनावरांच्या बाजारात विक्रीसाठी आलेल्या 70 जर्सी गायींपैकी 55 गायींची विक्री झाली. (15,000 ते 70,000 रुपये), 100 बैलांपैकी 75 बैलांची विक्री झाली. (10,000 ते 40,000 रुपये), 105 म्हशींपैकी 85 म्हशींची विक्री झाली. (30,000 ते 80,000 रुपये), 9,900 शेळ्या - मेंढ्यापैकी 9 हजार 600 शेळ्यांची विक्री झाली. त्यांना 2,000 रुपयांपासून ते 15,000 रुपयांपर्यंत भाव मिळाला.
