अविनाश दुधवडे
चाकण : खेड कृषी उत्पन्न बाजार समितीच्या येथील महात्मा फुले मार्केट यार्डमध्ये लसूण, बटाटा, वांगी व वाटाण्याची विक्रमी आवक झाली. पालेभाज्यांच्या बाजारात कोथिंबीर, मेथी, पालकाची उच्चांकी आवक होऊनही भाव तेजीत राहिले. राजगुरुनगर येथील मुख्य बाजारात कारली, आले, रताळी, वांगी, फ्लॉवर, काकडी, भोपळा, टोमॅटो, गवार यांची भरपूर आवक झाली. एकूण उलाढाल 5 कोटी 10 लाख रुपये झाली.
कांद्याची एकूण 1 हजार 500 क्विंटल आवक झाली. गेल्या शनिवारच्या तुलनेत आवक स्थिर राहून भावात 100 रुपयांची घट झाली. कांद्याचा कमाल भाव 1,400 रुपयांवरून 1,300 रुपयांवर स्थिरावला. बटाट्याची एकूण आवक 2,000 क्विंटल झाली. गेल्या शनिवारच्या तुलनेत बटाट्याची आवक 750 क्विंटलने वाढली असून बटाट्याचा कमाल भाव 2,200 रुपयांवर स्थिरावला.
लसणाची एकूण आवक 40 क्विंटल झाली. गेल्या शनिवारच्या तुलनेत आवक 5 क्विंटलने वाढली. लसणाचा कमाल भाव 8 रुपयांवर स्थिरावला. हिरव्या मिरचीची एकूण आवक 405 क्विंटल झाली. हिरव्या मिरचीला 2 हजार 500 रुपयांपासून 3 हजार 500 रुपयांपर्यंत भाव मिळाला.
शेतीमालाची आवक व बाजारभाव पुढीलप्रमाणे : कांदा - एकूण आवक - 1,500 क्विंटल. भाव क्रमांक - 1. 1,300 रुपये, भाव क्रमांक 2. 1,000 रुपये, भाव क्रमांक 3. 700. बटाटा - एकूण आवक - 2,000 क्विंटल. भाव क्रमांक 1. 2,200 रुपये, भाव क्रमांक 2. 1,400 रुपये, भाव क्रमांक 3. 1,000 रुपये.
फळभाज्या : फळभाज्यांच्या बाजारात एकूण आवक क्विंटलमध्ये व प्रतिदहा किलोंसाठी मालाला मिळालेले भाव कंसात रुपयांत पुढीलप्रमाणे - टोमॅटो - 330 क्विंटल (2,000 ते 3,000), कोबी - 205 क्विंटल (1,500 ते 2,000), फ्लॉवर - 230 क्विंटल (1,500 ते 2,000), वांगी - 64 क्विंटल (3,500 ते 4,500), भेंडी - 98 क्विंटल (4,000 ते 5,000), दोडका - 82 क्विंटल (3,000 ते 4,000), कारली - 84 क्विंटल (3,000 ते 4,000), दुधीभोपळा - 52 क्विंटल (1,500 ते 2,500), काकडी - 78 क्विंटल (800 ते 1,200), फरशी - 48 क्विंटल (3,000 ते 4,000), वालवड - 52 क्विंटल (3,500 ते 4,500), ढोबळी मिरची - 145 क्विंटल (3,000 ते 5,000), चवळी - 42 क्विंटल (3,000 ते 4,000), वाटाणा - 470 क्विंटल (5,000 ते 6,000), गाजर - 195 क्विंटल (2,000 ते 3,000), गवार - 29 क्विंटल (8,000 ते 12,000), आले - 170 क्विंटल (3,500 ते 4,500).
पालेभाज्या : पालेभाज्यांची एकूण आवक जुड्यांमध्ये व भाज्यांना मिळालेले भाव पुढीलप्रमाणे - मेथी - एकूण 16 हजार 450 जुड्या (1,400 ते 1,800 रुपये), कोथिंबीर - एकूण 35 हजार 450 जुड्या (300 ते 500 रुपये), शेपू - एकूण 4 हजार 350 जुड्या (1,000 ते 1,500 रुपये), पालक - एकूण 3 हजार 545 जुड्या (400 ते 800 रुपये).
जनावरे : जनावरांच्या बाजारात विक्रीसाठी आलेल्या 82 जर्सी गायींपैकी 73 गायींची विक्री झाली. (15,000 ते 70,000 रुपये), 88 बैलांपैकी 70 बैलांची विक्री झाली. (10,000 ते 40,000 रुपये), 230 म्हशींपैकी 205 म्हशींची विक्री झाली (30,000 ते 80,000 रुपये). 8,490 शेळ्या-मेंढ्यापैकी 7 हजार 760 शेळ्यांची विक्री झाली. त्यांना 2,000 रुपयांपासून ते 15 हजार रुपयांपर्यंत भाव मिळाला.
