पवनानगर : पुढारी वृत्तसेवा : पवन मावळातील प्रसिद्ध असलेल्या वाघेश्वर येथील शिवमंदिरातील प्राचीन घंटेची चोरी करण्यात आली. ही घटना मंगळवार (दि. 5) समोर आली आहे. पवन मावळातील वाघेश्वर येथील शिवमंदिरातील 8 किलो वजनाची घंटा अज्ञातांनी लंपास केली. सदरचा प्रकार उघड झाल्यानंतर संतप्त ग्रामस्थांनी वडगाव मावळ पोलिस ठाण्यात याबाबतची तक्रार अज्ञात चोरांच्या विरोधात तक्रार दिली आहे.
पुजारी लक्ष्मण गुरव यांनी सोमवार (दि. 5 ) रोजी सायंकाळी दिवाबत्ती केली. त्यानंतर ते घरी निघून गेले. दुसर्या दिवशी ते मंदिरात पूजेसाठी गेले असता तिथे मंदिरातील घंटा चोरीला गेली असल्याचे त्यांच्या निदर्शनास आल्याने त्यांनी ही बाब जवळच्या लोकांना सांगितली आणि पोलिस पाटील प्रवीण शिंदे, संतोष कडू, अजीवलीचे सरपंच नितीन लायगुडे यांनी पोलिसांना ताबडतोब ही घटना कळवली आणि अज्ञात व्यक्तींविरोधात तक्रार नोंदवली आहे.
हेही वाचा
