Pune Ganeshotsav 2023 : ‘दगडूशेठ’ची क्रेझ सातासमुद्रापार; जगभरातून तब्बल ५६ लाख भक्तांनी घेतलं ऑनलाईन दर्शन | पुढारी

Pune Ganeshotsav 2023 : 'दगडूशेठ'ची क्रेझ सातासमुद्रापार; जगभरातून तब्बल ५६ लाख भक्तांनी घेतलं ऑनलाईन दर्शन

पुढारी ऑनलाईन डेस्क : पुण्यातील सर्वांचा लाडका असलेला श्रीमंत दगडूशेठ हलवाई गणपतीचे भारतातूनच नव्हे तर परदेशातूनही ट्रस्टच्या फेसबुक, यू ट्यूब, वेबसाईटसह इतर सोशल मीडियावर तब्बल ५६ लाखांहून अधिक गणेशभक्तांनी ऑनलाईन दर्शन घेतलं आहे. नेपाळ, अमेरिका, थायलंड, कॅनडा, इंडोनेशिया, पाकिस्तान, ऑस्ट्रेलिया आदी देशांमधून वेबसाईट, फेसबुक, यू ट्यूब, इन्स्टाग्राम, ट्विटरसह श्रीमंत दगडूशेठ हलवाई गणपती ट्रस्टच्या सोशल मीडियावर गणेशभक्तांनी दगडूशेठ गणपतीचे दर्शन घेतले आहे. केवळ भारतातीलच नव्हे, तर जगभरातील गणेशभक्तांचे आकर्षण असलेल्या गणपतीचे दर्शन प्रत्यक्ष घेता आले नसले, तरी ऑनलाईन माध्यमातून उत्सवाचा आनंद जगभरातील भाविक घेत आहेत. ट्रस्टतर्फे विविध ऑनलाईन सुविधा उपलब्ध करुन देण्यात आल्या आहेत.

संबंधित बातम्या :

श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळच्यावतीने ट्रस्टच्या १३१ व्या वर्षीचा गणेशोत्सव सुरु आहे. सप्टेंबर महिन्याच्या सुरुवातीपासूनच ट्रस्टतर्फे विविध कार्यक्रम सुरु झाले. तेव्हापासून ट्रस्टच्या वेबसाईटवरुन हजारो भाविक दर्शन घेत आहेत. वेबसाईटवरुन दररोज सकाळी व रात्री होणारी लाईव्ह आरती व दर्शन देखील गणेशभक्त घेत आहेत.

भारतातील पुण्यासह मुंबई, दिल्ली, नागपूर, नाशिक, ठाणे, गुजरातमधील अहमदाबाद, सूरत, कोल्हापूर, नेपाळमधील काठमांडू आदी शहरांमधून आॅनलाईन पद्धतीने बाप्पांचे दर्शन घेण्यात आले आहे. तसेच नेपाळ, अमेरिका, थायलंड, कॅनडा, इंडोनेशिया, पाकिस्तान, ऑस्ट्रेलिया आदी देशांतील भक्तांनी दगडूशेठ च्या श्रीं चे दर्शन घेण्यासाठी ट्रस्टच्या सोशल मीडियावर भेट दिली आहे.

सुमारे ३४ लाख ६९ हजार भाविक फेसबुकवरुन, इन्स्टाग्रामवर २१ लाख ७७ हजार यांसह १८ हजारहून अधिक यूटयूब व अ‍ॅप वरुन देखील गणेशभक्तांनी भेट दिली आहे. यामुळे यंदाच्या गणेशोत्सव काळात आजपर्यंत तब्बल ५६ लाखांहून अधिक गणेशभक्तांनी ऑनलाईन दर्शनाचा लाभ घेतला आहे. डिजीटल माध्यमातून ट्रस्टच्या सामाजिक उपक्रमांना देखील भक्त जोडले गेले आहेत.

असे श्रीं चे ऑनलाईन दर्शन घेता येईल :

उत्सवकाळात भारतासह परदेशातील गणेशभक्तांना घरच्या घरी श्रीं चे ऑनलाईन दर्शन घेण्याची व्यवस्था देखील ट्रस्टने केली आहे. ट्रस्टच्या या वेबसाईट, अ‍ॅप, फेसबुक, यू ट्यूब, ट्ट्विटर या माध्यमांद्वारे www.dagdushethganpati.com, http://bit.ly/Dagdusheth-Live, iOS : http://bit.ly/Dagdusheth_iphone_App Android: http://bit.ly/ Dagdusheth _ Android_App या लिंकवर उत्सवकाळात २४ तास दर्शनाची सोय करण्यात आली आहे. तरी भाविकांनी ऑनलाईन सुविधांचा देखील लाभ घ्यावा, असे आवाहन ट्रस्टतर्फे करण्यात आले आहे.

पावसाच्या सरी अंगावर झेलत रस्त्यावर उतरले पुणेकर

शहरात गणपती मंडपासमोर उभे राहून फोटो आणि सेल्फी काढण्यासह रिल्ससाठी व्हिडीओ काढण्यात मग्न झालेले गणेशभक्त पावसाच्या सरी अंगावर झेलत गणेशोत्सवातील देखावे पाहण्यासाठी त्या पावसाच्या सरींप्रमाणेच गणेशभक्त मोठी गर्दी करतात. दगडूशेठ गणपतीचे दर्शन घेण्यासाठी हजारोंच्या संख्येने पुण्यातील नागरिकाच नाहीत तर राज्यातील अनेक गणेशभक्त पुण्यात दाखल होत आहेत.

हेही वाचा

World Tourism Day : वेरूळ आणि अजिंठा लेण्यांची पर्यटकांना भुरळ

सोन्यापेक्षाही महागडे आहेत बेन्नूवरील नमुने!

सोन्यापेक्षाही महागडे आहेत बेन्नूवरील नमुने!

Back to top button