Pune Crime : पुण्यात खळबळ! गाढ झोपेत असताना मुलाने केला वडिलांचा खून
पुणे : पुण्यातून एक धक्कादायक घटना उघडकीस आली आहे. पोटच्या मुलाने वडिलांचा कात्रीच्या सहाय्याने सपासप वार करुन खून केला. वडिलांवर कात्रीने वार करत असताना मुलाला थांबवण्याचा आईने प्रयत्न केला. मात्र मुलाने तिच्यावरही हल्ला करून गंभीर जखमी केल्याची संतापजक घटना पुण्यातील विश्रांतवाडी परिसरात घडली आहे. लक्ष्मण सुरेश मंजुळे (वय ५५, रा. मास्टर कॉलनी, टिंगरेनगर) असे खून झालेल्या वडिलांचे नाव आहे. तर शिवनाथ लक्ष्मण मंजुळे (वय २०) आरोपी मुलाचे नाव असून याला पोलिसांनी अटक केली आहे. या प्रकरणी शिवनाथचा मामा बाबू दांडेकर (वय ३६, रा. टिंगरेनगर) यांनी विश्रांतवाडी पोलीस ठाण्यात फिर्याद दिली आहे.
संबंधित बातम्या :
- Pune Murder Case : पुण्यात PMPML बस ड्रायव्हरचा निर्घृण खून; तीन जण अटक
- Pune Crime news : जादूटोण्याद्वारे फसवणूक करणार्यांवर आणखी एक गुन्हा दाखल
- Pune crime news : महावितरणचे कर्मचारी सांगून फसवणारी टोळी पकडली
पोलीसांनी दिलेल्या अधिक माहितीनुसार, आरोपी शिवनाथ काहीच काम करत नसल्यामुळे वडिलांनी त्याला काम कर असं सांगितलं होतं. काम कर, चांगले रहा, असे त्याचे वडील त्याला वारंवार सांगत होते. मात्र, काम न करता मध्यरात्री दीडच्या सुमारास मुलाने गाढ झोपेत असलेल्या वडिलांवर घरातील कात्री घेऊन त्यांच्या छाती आणि पोटावर सपासप वार करत त्यांचा निर्घृण खून केला. यावेळी आईने मध्यस्ती करत त्याला रोखण्याचा प्रयत्न केला. मात्र त्याने आईवरही हल्ला चढवत तिलाही गंभीर जखमी केले. या प्रकरणी मुलाला अटक करण्यात आली असून विश्रांतवाडी पोलीस याप्रकरणाचा अधिक तपास करत आहेत.
हेही वाचा
Nashik Navshya Ganpati : नवसाला पावणारा नाशिकचा नवश्या गणपती, चारशे वर्षांचा आहे इतिहास
निपाहवरील भारतीय बनावटीच्या लसनिर्मितीचे प्रयत्न
परभणी : जिंतूर तालुक्यात सोयाबीन संकटात; पिकांना विषाणूजन्य रोगाचा प्रादुर्भाव