‘दिव्यांग कल्याण दिव्यांगाच्या दारी’ कार्यक्रम चिंचवड येथे

पिंपरी(पुणे) : महाराष्ट्र राज्य शासनाच्या दिव्यांग कल्याण विभागाच्या वतीने 'दिव्यांग कल्याण दिव्यांगाच्या दारी' कार्यक्रम मंगळवारी (दि.22) सकाळी दहाला चिंचवड येथील प्रा. रामकृष्ण मोरे प्रेक्षागृह येथे होणार आहे. दिव्यांग नागरिकांच्या अडचणी सोडविण्यासाठी जिल्हास्तरावर शासनाचे सर्व विभागाचे अधिकारी, सर्व शासकीय यंत्रणा एकाचा ठिकाणी उपस्थित राहून दिव्यांगाच्या तक्रारी जाणून घेऊन त्याच ठिकाणी कामाचा निपटारा करण्यात येणार आहे.

हा कार्यक्रम पुणे जिल्हाधिकारी कार्यालयामार्फत चिंचवड येथील प्रा. मोरे प्रेक्षागृहात घेण्यात येणार आहे. त्या ठिकाणी विविध विभागाचे स्टॉल उभारण्यात येणार आहेत. या कार्यक्रमास दिव्यांग विभागाचे अध्यक्ष बच्चू कडू तसेच, विविध विभागाचे अधिकारी उपस्थित राहणार आहेत. या कार्यक्रमासाठी पिंपरी-चिंचवड व पुणे महापालिका तसेच, विभागीय कार्यालयाकडे जबाबदार्‍या निश्चित करण्यात आल्या आहेत.

हेही वाचा

नवी सांगवीत रस्त्यावर जनावरे 'मोकाट'

लोकवस्तीमध्ये कचरा संकलन केंद्र नकोच! आमदार महेश लांडगे

फक्त विकासकामे डोळ्यासमोर ठेवून सत्तेत सहभागी झालो ! आ. सुनील शेळके