पुणे, पुढारी वृत्तसेवा: पतीपासून वेगळे राहत असलेल्या महिलेला प्रेमाच्या जाळ्यात अडकवून तिच्या मुलाला सांभाळण्याचे आश्वासन देऊन बलात्कार करणार्या गुन्हे शाखेतील एका पोलिसावर बलात्कार तर तिला शिवीगाळ करणार्या त्याच्या सहकारी पोलिस साथीदाराचे प्राथमिक चौकशीअंती निलंबन करण्यात आले आहे. पोलिस उपायुक्त अमोल झेंडे यांनी हे आदेश दिले आहेत.
याप्रकरणी कादिर कलंदर शेख, समीर पटेल अशी निलंबीत करण्यात आलेल्या दोघांची नावे आहेत. याबाबत एका महिलेनी पोलिस ठाण्यात फिर्याद दिली आहे. याप्रकरणात बलात्कार, अॅट्रासिटी, जबरी चोरीच्या विविध कलमान्वये गुन्हा दाखल करण्यात आला आहे. पतीपासून ती महिला वेगळी राहत होती. तिला एक मुलगा देखील आहे. पीडित महिलेशी आरोपी कादिर शेख याची तीन वर्षांपूर्वी ओळख झाली होती. शेखने तिला विवाहाचे आमिष दाखवून वेळोवेळी तिच्यावर बलात्कार केला. तरुणीने त्याच्याकडे विवाहाबाबत विचारणा केली. तेव्हा त्याने टाळाटाळ केली. महिलेला लष्कर भागातील एका हॉटेलजवळ बोलावून आरोपी कादिर शेख, समीर पटेल व दोन साथीदार आणि बुरखा परिधान केलेल्या महिलेने मारहाण केली. तसेच मोबाईल हिसकावून नेला, असा गुन्हा दाखल झाला असताना या प्रकरानंतर आता पोलिस उपायुक्तांनी शेख आणि पटेल या दोन पोलिस कर्मचाऱ्याचे निलंबन केले आहे. सहायक पोलिस आयुक्त अश्विनी राख तपास करीत असून कादिर शेखला 7 तारखेपर्यंत न्यायालयाने पोलिस कोठडी सुनावली आहे.
हेही वाचा:
