संजय राऊत : 'मुख्यमंत्री ज्यांचा, त्यांचं सरकार, आम्ही काँग्रेस-राष्ट्रवादीच्या वर'
आळेफाटा (जि. पुणे); पुढारी वृत्तसेवा : राज्यात जरी तीन पक्षाचे सरकार असले तरी मुख्यमंत्री ज्यांचा असतो त्यांचे सरकार असते. सरकार आपले आहे. दुसरीकडे शरद पवार आपले आहेत. अजित पवार देखील आपले आहेत. दिलीप वळसे पाटील गृहमंत्री असतील, मात्र शिवसेना सगळ्यांच्या वर आहे, अशी टोलेबाजी शिवसेनेचे खासदार संजय राऊत यांनी राज्य सरकारमधील आपल्या मित्र पक्षांवर केली आहे.
जुन्नर तालुक्यातील आळेफाटा येथे आयोजित शिवसेना मेळाव्यात संजय राऊत यांनी ही जोरदार बॅटिंग केली.
- Eng vs Ind 4th test 3rd day: रोहित-राहुलकडून शतकी भागिदारीची अपेक्षा
- जयंत पाटील राजू शेट्टी यांच्या आमदारकीबाबत म्हणाले…
राऊत पुढे म्हणाले की, “राज्यात जरी तीन पक्षाचे सरकार असलं तरी मुख्यमंत्री ज्यांचा असतो त्यांच सरकार असतं. सरकार आपलं आहे. शिवसेना काँग्रेस आणि राष्ट्रवादीच्यावर आहे. ही आपली पॉवर आहे”, दुसरीकडे शरद पवार आपले आहेत. अजित पवार देखील आपले आहेत. दिलीप वळसे गृहमंत्री असतील, मात्र शिवसेना सगळ्यांच्या वर आहे, असं म्हणत त्यांनी शिवसेनेचं महत्त्व अधोरेखित केलं.
- वैद्यनाथ बँक : उपमुख्य कार्यकारी अधिकारी नितीन चितळे अटकेत
- पुण्यात दोनशे कोटींचा जमीन घोटाळा, चंद्रकांत पाटलांच्या नावाने बनावट आदेश काढून कारनामा
‘खंजीर खुपसणं म्हटलं की पहिलं नावं यायचं शरद पवारांचं. मात्र आता उद्धव ठाकरेंचं येतं’, असं चंद्रकांत पाटील म्हणाले होते. त्यांच्या याच टीकेला राऊतांनी प्रत्युत्तर दिलं.
“चंद्रकांत पाटील यांना मी चंपा म्हणणं बरोबर नाही असे म्हणत आमचे 105 आमदार आहेत, तरी आमचा मुख्यमंत्री नाही.. त्यांना वाटलं ते येतील, पण आले नाहीत”, असा टोला त्यांनी चंद्रकांत पाटलांना लगावला.
- जावेद अख्तर म्हणाले, संघ आणि बजरंग दलाचे समर्थक तालिबान्यांसारखेच
- तालिबानला पुरून उरलेल्या लढवय्या पंजशीरने मान टाकली? नेमकी स्थिती काय
तसंच चंद्रकांत पाटील यांच्या मुख्यमंत्र्यांवरच्या टीकेला देखील राऊतांनी प्रत्युत्तर दिलं. “आम्ही समोरुन कोथळा काढतो, पाठीमागून नाही… पाठीमागून वार करण्याची आमची परंपरा नाही.. शब्द तुम्ही फिरवला आम्ही नाही”, असं प्रत्युत्तर राऊतांनी चंद्रकांत पाटलांना दिलं.
हे ही वाचा :
- अनिल देशमुखांचा गोपनीय अहवाल लीक करण्यासाठी पीएसआयला iPhone 12 Pro दिला?
- Gold Vada Pav : दुबईत मिळतोय २२ कॅरेट सोन्याचा वडापाव, काय आहे त्यात खास?
- ‘ऑपरेशन लंडन ब्रिज’ अहवाल लीक, गोपनीय माहिती उजेडात