पुणे : उत्रौली येथे आगीत शूटिंगचे साहित्य खाक

भोर : पुढारी वृत्तसेवा

भोर – रामबाग रस्त्यावरील उत्रौली गावाच्या हद्दीत ऐतिहासिक चित्रपटाच्या शूटिंगचे साहित्य असलेल्या पाच गोडाऊनला आग लागली. यात सदर साहित्य जळाल्याने सुमारे 8 ते 10 लाखांचे नुकसान झाले. बुधवारी (दि. 1) सायंकाळी सहा वाजता ही घटना घडली.

मनी लॉन्ड्रिंग प्रकरणी एकनाथ खडसेंना ईडीची नोटीस

भोरपासून दोन किलोमीटरवरील रामबाग रस्त्यावरील उत्रौली गावाच्या हद्दीत जगन शेटे (रा. उत्रौली, ता. भोर) यांची पाच गोडाऊन एक ऐतिहासिक चित्रपट निर्मात्या कंपनीने भाड्याने घेतली होती. सदर गोडाऊनमध्ये पावनखिंड या चित्रपटासह ऐतिहासिक चित्रपटाला लागणारे तंबू, तलवारी, ढाल, दांडपट्टे, पेटारे, लोखंडी झुंबर, लाकडे, फर्निचर, पुतळे असे साहित्य होते. बुधवारी सायंकाळी सहा वाजता अचानक आग लागून दोन सिलिंडरचा स्फोट होऊन संपूर्ण साहित्य जळून खाक झाले. दरम्यान आग कशामुळे लागली हे समजू शकले नाही. आगीत सुमारे 8 ते 10 लाखांचे नुकसान झाल्याचा प्राथमिक अंदाज आहे.

गोविंदानंद सरस्वती दाव्यावर ठाम ; म्हणे, हनुमानाचे जन्मस्थळ ‘किष्किंधा’च

भोर नगरपलिकेच्या अग्निशामक दलातील कर्मचारी सागर पवार, रुषी (बाळा) शेटे, आकाश सागळे, दत्तात्रय पवार, आमिर आतार यांच्यासह सह्याद्री सर्च अँड रेस्क्यू फोर्सच्या सदस्यांनी दोन तासांनंतर आग आटोक्यात आणली. पोलिस निरीक्षक विठ्ठल दबडे, कर्मचारी यांनी या घटनेनंतर या रस्त्यावरील वाहतूक सुरळीत केली.

हेही वाचा

काश्मिरी पंडितांकडून आजही स्थलांतराचा विचार होतोय : संजय राऊत

COVID19 | देशातील रुग्णसंख्येत पुन्हा वाढ, २४ तासांत ३,७१२ नवे रुग्ण

कोल्हापूर : आकाशात दिसली उडती तबकडी?; लोकांच्यात कुतूहल