गणेशखिंड रस्त्यावर मेट्रोचे शंभर पिलर्स; विद्यापीठ चौकात ग्रेड सेपरेटर
पुणे : पुढारी वृत्तसेवा
हिंजवडी ते शिवाजीनगर मेट्रो मार्गातील गणेशखिंड रस्त्यावरील मेट्रोचे 100 पिलर प्राधान्याने आणि गतीने पूर्ण करण्याचा निर्णय घेण्यात आल्याची माहिती महापालिका आयुक्त विक्रम कुमार यांनी दिली.
पालिकेच्या खर्चातून विद्यापीठ चौकातून औंधकडे जाणार्या रस्त्यावर ग्रेड सेपरेटर करण्यात येणार असल्याचेही त्यांनी सांगितले. ‘पीएमआरडीए’च्या वतीने हिंजवडी ते शिवाजीनगर खासगी सहभागातून मेट्रो प्रकल्पाचे काम हाती घेण्यात आले आहे.
MS Dhoni : माहीने पुसले दिव्यांग चाहतीचे अश्रू
मेट्रो कामासंदर्भात बुधवारी महापालिका आणि पीएमआरडीएच्या अधिकार्यांची बैठक झाली. यावेळी गणेशखिंड रस्त्यावरील कामासंदर्भात चर्चा झाली.
गणेशखिंड रस्त्यावरील 100 पिलरचे काम गतीने पूर्ण होण्यासाठी अतिरिक्त यंत्रणा लावावी, गरज असेल तेथील पदपथ काढणे, आवश्यकता असेल बॅरिकेडिंग करणे, अनावश्यक बॅरिकेडिंग काढणे, रस्त्यावरील अतिक्रमणे हटविणे, कामासाठी आवश्यक असणारी शासकीय कार्यालयांची जागा ताब्यात घेणे, केंद्र सरकारच्या काही संस्थांचे स्थलांतर करणे यावर चर्चा झाली.
रुपाली चाकणकर यांना जीवे मारण्याची धमकी देणाऱ्या तरुणाला पोलिसांनी घेतलं ताब्यात
पालिकेकडून भुयारी मार्गाचा खर्च
विद्यापीठ चौकातून औंधकडे जाण्यासाठी ग्रेड सेपरेटर केला जाणार आहे. हा भुयारी मार्गाचा खर्च महापालिका करणार असून, या कामासाठी मेट्रोचे काम करणार्या सल्लागाराचीच नियुक्ती केली जाणार असल्याचे विक्रम कुमार यांनी सांगितले.
हेही वाचा
COVID19 | देशातील रुग्णसंख्येत पुन्हा वाढ, २४ तासांत ३,७१२ नवे रुग्ण
नाशिक : घर भाडेतत्त्वाने घेण्याच्या बहाण्याने एक लाखाचा ऑनलाइन गंडा
जयसिंगपुरात पत्नीवर धारदार शस्त्राने वार करून पतीची गळफासाने आत्महत्या