नाशिक : पुढारी वृत्तसेवा
शहरात वेगवेगळ्या घटनांमध्ये तिन पुरुषांनी राहत्या घरात गळफास घेत आत्महत्या केल्या आहेत. निलेश अशोक देशमुख (रा. जेलरोड) यांनी नाशिकरोड पोलिसांना दिलेल्या माहितीनुसार त्यांचा भाऊ अमोल अशोक देशमुख (४०, रा. वसंत विहार सोसायटी, मॉडेल कॉलनी) यांनी मंगळवारी (दि.२४) रात्री राहत्या घरात गळफास घेतल्याचे आढळून आले. अमोल यांचे पत्नीसोबत कौटुंबिक वाद सुरु असल्याने ते एकटेच राहत होते. त्यामुळे ते तणावात असल्याचेही निलेश देशमुख यांनी पोलिसांना सांगितले. याप्रकरणी नाशिकरोड पोलिस ठाण्यात आकस्मिक मृत्यूची नोंद करण्यात आली आहे.
दुसऱ्या घटनेत आशिष अनिल पवार (३०, रा. समर्थ नगर, पंचवटी) याने बुधवारी (दि.२५) दुपारच्या सुमारास राहत्या घरात गळफास घेतल्याचे आढळून आले. याप्रकरणी पंचवटी पोलिस ठाण्यात आकस्मिक मृत्यूची नोंद करण्यात आली आहे. तर आकाश राजेंद्र अहिरराव (२३, रा. पाथर्डीफाटा) यानेही बुधवारी सायंकाळी गळफास घेतल्याचे आढळून आले. याप्रकरणी इंदिरानगर पोलिस ठाण्यात आकस्मिक मृत्यूची नोंद करण्यात आली आहे.
