- Epaper
- Home
- राष्ट्रीय
- आंतरराष्ट्रीय
- संपादकीय
- मनोरंजन
- विश्वसंचार
- फीचर्स
- स्पोर्ट्स
- व्हिडिओ गॅलरी
- मुंबई/कोकणमुंबई/कोकण
- पुणे/पश्चिम महाराष्ट्रपुणे/पश्चिम महाराष्ट्र
- मराठवाडामराठवाडा
- उत्तर महाराष्ट्रउत्तर महाराष्ट्र
- विदर्भविदर्भ
नाशिक : पुढारी वृत्तसेवा
पेठ तालुक्यातील कुळवंडी येथे बंधारा बांधण्यासाठी 17 कोटी रुपये मंजूर झाले असून, या बंधार्‍यामुळे कुळवंडी शिवारातील सुमारे 20 वर्षे जुना पाणीप्रश्न आणि दहा गावांचा दुष्काळ मिटणार आहे. विशेष म्हणजे या प्रकल्पामुळे तालुक्याची सिंचनक्षमता 230 हेक्टरने वाढणार असल्याने ग्रामस्थांमध्ये आनंदाचे वातावरण आहे.
बंधार्‍याच्या कामाचे भूमिपूजन विधानसभेचे उपाध्यक्ष नरहरी झिरवाळ यांच्या हस्ते झाले. यावेळी जिल्हा जलसंधारण अधिकारी हरिभाऊ गिते, उपविभागीय जलसंधारण अधिकारी नारायाण डावरे, जलसंधारण अधिकारी बाळासाहेब डोळसे, सचिन खंबाईत यांसह ग्रामस्थ उपस्थित होते. यावेळी झिरवाळ म्हणाले, जिल्ह्याच्या विकासाला हरिभाऊ गिते यांची मदत होणार आहे. त्यांना कामाची पद्धत माहिती असल्याने प्रत्येक टेबलविषयी त्यांना इत्थंभूत माहिती आहे. त्यामुळे तत्वाला काम मार्गी लागते. त्यांच्याकडे एक काम दिले होते. त्यांनी आठ दिवसांत ते काम मार्गी लावले. त्यांच्यासारखा अधिकारी जिल्ह्याला लाभल्याने जिल्ह्याचा विकास निश्चितपणे होईल, असा विश्वास त्यांनी व्यक्त केला. कुळवंडीचा या प्रकल्पामुळे पिण्याच्या पाण्यासह कृषी सिंचनासअठी जवळपास 69.26 दशलक्ष घनफूट क्षमता असलेला प्रकल्प मंजूर झाला आहे. यामुळे कुळवंडीसह घनशेतपाडा, हट्टीपाडा, नाईकपाडा, निमोणीपाडा, कडवईपाडा, बर्डापादा व गावंद येथील गावांना पाणी मिळेल. या प्रकल्पाचे भूमिपूजन रविवारी झाले. आमदार नरहरी झिरवाळ हेच मतदारसंघाचे पाणदेव असल्याची प्रतिक्रिया येथील ग्रामस्थांनी व्यक्त केली. यावेळी राष्ट्रवादीचे तालुकाध्यक्ष दामू राऊत, नगराध्यक्ष करण करवंदे, मनोहर चौधरी, गोकुळ झिरवाळ, गिरीश गावित, रामदास गवळी, हिरामण पवार, मोहन गावंडे, हनुमंत गवळी, गणेश गवळी आदी उपस्थित होते.
प्रकल्पाची वैशिष्ट्ये
पाणलोट क्षेत्र 4.95 चौरस किलोमीटर
साठवण क्षमता 69.26 दशलक्ष घनफूट
सिंचन क्षमता 230 हेक्टर
धरणाची उंची 29.24 मीटर
धरणाची लांबी 375 मीटर
सांडव्याची रुंदी 56 मीटर
कालवा लांबी 2 किलोमीटर
