जळगाव जिल्ह्यात लैंगिक अत्याचाराच्या दोन घटना

जळगाव : पुढारी वृत्तसेवा, जिल्ह्यातील जामनेर तालुक्यात एका अल्पवयीन मुलीवर व दुसऱ्या घटनेत 19 वर्षीय युवतीवर लैंगिक अत्याचाराच्या घटना उघडकीस आल्या आहेत. पोलिस सूत्रांनी दिलेल्या माहितीनुसार, जामनेर तालुक्यातील महाविद्यालयात शिकणाऱ्या युवतीला धमकी देत लिव्ह अँड रिलेशनशिपची नोटरी करून घेत मयूर देवेंद्र गोढरी याने वेळोवेळी बळजबरीने शारीरिक संबंध ठेवले. या प्रकरणी युवतीने दिलेल्या फिर्यादीवरून गोढरीविरोधात गुन्हा दाखल करण्यात आला.

संबधित बातम्या :

• Nanded Hospital Death : नांदेडच्या अधिष्ठातांवर सदोष मनुष्यवधाचा गुन्हा दाखल
• नाशिक तहसीलदारपदी डॉ. शोभा पुजारी

तर दुसरी घटना ही जामनेर तालुक्यातील असून, शेतात राहणाऱ्या मध्य प्रदेशातील कुटुंबातील १५ वर्षीय मुलीवर युवकाने अत्याचार केल्यानंतर पळून जाताना मुलीने केलेल्या आरडाओरड्याने हा प्रकार उघडकीस आला. मुलीच्या आईने दिलेल्या फिर्यादीवरून अजय काशीराम सोळंकीविरुद्ध पोक्सोअंतर्गत गुन्हा दाखल करण्यात आला आहे. पोलिस उपनिरीक्षक संजय बनसोडे हे तपास करत आहेत.

हेही वाचा :

• Nashik News : नवजात शिशूचा जन्मताच मृत्यू, डॉक्टरांच्या हातातून बाळ निसटून पडल्याचा पालकांचा आरोप
• Sharad Pawar : भाजपकडे बहुमत होते, तर माझ्या शिफारशीची गरज का वाटली?