के.सी.पार्कजवळ आज पहाटे ट्रॅक्टरने कारला धडक दिल्याने झालेल्या भीषण अपघातात कारमधील दोघे जागीच ठार झाले. या अपघातात दाेघे जण जखमी झाले आहेत.
आज पहाटे भादली येथील पाटील कुटुंबीय नातेवाईकाला भेटण्यासाठी भोकर येथे कार ( क्रमांक एम एच -१४ – एफ सी ४५५०) ने जात होते. चालक बंडू पाटील होते. कानळदा रस्त्यावरील के.सी.पार्क जकात नाक्याजवळ समोरून भरधाव येणाऱ्या लाकडाने भरलेल्या ट्रॅक्टरने या कारला जोरदार धडक दिली. अपघातात कारच्या पुढील भागाचा चेन्दामेंन्दा झाला असून चालक बंडू पाटील यांच्यासह एक महिला जागीच ठार झाली.
जखमी झालेली अन्य महिला व पुरुषाला जिल्हा शासकीय वैद्यकीय महाविद्यालय रुग्णालयात दाखल करण्यात आले आहे. घटनास्थळी नागरिकांची गर्दी जमली. त्यांनीच जखमींना बाहेर काढले. या अपघाताची माहिती कळताच पोलिसांनी घटनास्थळी धाव घेतली.
