जळगाव : शहीद जवान निलेश सोनवणे अनंतात विलीन
जळगाव पुढारी वृत्तसेवा : जळगाव येथील भडगाव शहरातील टोणगाव भागातील रहिवासी निलेश रामभाऊ सोनवणे या हुतात्मा जवानाच्या पार्थिवावर आज शासकीय इतमामात अंत्यसंस्कार करण्यात आले.
हे ही वाचा :
- गोवा : साळावली धरण भरले, पहा जलाशयाचे डोळ्यात भरणारे सौंदर्य!
- ‘लॉकअप’ मधून पळालेला आरोपी तब्बल बारा वर्षांनी पोलिसांच्या जाळ्यात
शहिद जवान निलेश रामभाऊ सोनवणे यांच्यावर आज दुपारी शोकाकुल वातावरणात गिरणा नदी पात्रात शासकीय इतमामात अंत्यसस्कार करण्यात आले. शहिद जवान निलेश सोनवणे यांना अखेरचा निरोप देण्यासाठी भडगाव तालुका परीसरातील तरुण तसेच रजेवर घरी आलेले सैनिक, सेवानिवृत्त सैनिक, शहरातील नागरीक, महिला वर्ग, अधिकारी मोठ्या संख्येने उपस्थित होते.
हे ही वाचा :
- पंकजा मुंडे : ‘मोदी, शहा आणि जेपी नड्डा हेच माझे नेते’
- रत्नागिरी अपघात : करंबेळे येथे आरामबस आणि तवेरा कारचा भीषण अपघात
निलेश सोनवणे या जवानाला लेह-लडाख येथे कर्तव्यावर असताना वीरमरण आले होते. त्यांचे पार्थिव मंगळवारी सकाळी येथे लष्कराचे अधिकारी आणि जवानांनी भडगाव यांच्या मुळगावी आणले होते. त्यांच्या अंत्यविधीला पंचक्रोशीतील जनसागर उसळला होता. यावेळी प्रशासनातील अधिकारीही उपस्थित होते.
भडगाव येथील टोणगाव भागातील रहीवाशी निलेश रामभाऊ सोनवणे (वय ३०) या जवानाचे कर्तव्यावर असताना लेह-लडाख मध्ये निधन झाले होते. जवान निलेश सोनवणे या जवानाचे निधन झाल्याचे वृत्त भडगाव येथे धडकताच सोनवणे परीवारसह परीसरात, तालुक्यात शोककळा पसरली.
निलेश सोनवणे यांच्या टोणगाव भागातील घराजवळ परीसरातील नागरिक, मित्र परिवार, युवकांची मोठी गर्दी झाली होती. जवानाचे पार्थिव सोमवारी भडगावात पोहचले.
हे ही वाचा :
- क्राईम पेट्रोल फेम अनन्या सोनीची किडनी फेल, मागितली मदत
- दिलीप कुमारांनी घडवली हाेती यशपाल शर्मा यांची क्रिकेट कारकीर्द
शहरातील टोणगाव भागातील रहीवासी निलेश सोनवणे हे भारतीय सैन्यात महार रेजिमंट मध्ये कार्यरत होते .
त्यांचे पार्थिव लेह येथून विमानाने दिल्ली येथे आणले. तेथून नाशिक येथे नाशिकहून वाहनाने भडगावला आणले. निलेश सोनवणे २०१० पासून भारतीय सैन्यात कार्यरत होते. त्यांच्या पश्चात आई व पाच भाऊ असा परिवार आहे. दोन मोठे बंधू बाळासाहेब सोनवणे व रावसाहेब सोनवणे हे मुंबई पोलीस सेवेत कर्तव्यावर आहेत. त्यांचे तीन भाऊ गावात पेंटिंग व्यवसाय करतात.
हे ही वाचलत का :
- ईसापूर धरण भूकंप मापक यंत्रणा १७ वर्षापासुन बंदच!
- महाड पूर : महाड तालुक्यात पूरसदृश्य स्थिती, सावित्री, गांधारी नद्या पात्राबाहेर
- महाड : एसटी बस चालकाने भर पाण्यातून ५२ प्रवाशांसह पुलावरून नेली