नाशिक : देवळा तालुक्यात सलग दुसऱ्या दिवशी गारपीट
नाशिक : पुढारी वृत्तसेवा
देवळा तालुक्यात रविवारी (दि.9) सलग दुसऱ्या दिवशी साडेतीन वाजेच्या सुमारास वादळी वाऱ्यासह पाऊस झाला. देवळा शहरासह वाजगाव, खर्डे, कुंभार्डे तसेच उमराणे परिसरातील चिंचवे येथे पाऊस झाला. चिंचवे येथे तुफान तर वाजगाव येथे किरकोळ प्रमाणात गारा पडल्या. यामुळे उन्हाळ कांद्याचे मोठ्या प्रमाणात नुकसान होणार असल्याचा अंदाज वर्तविण्यात येत आहे. रविवारी देवळा येथे आठवडे बाजार होता. त्यात अवकाळी पावसाने अचानक हजेरी लावल्याने नागरिकांची चांगलीच तारांबळ उडाली. तालुक्यात दिवसभर ढगाळ वातावरण होते. पिकांनीही माना टाकल्या असून बदलत्या हवामानाचा कांदा व इतर पिकांना चांगलाच फटका बसणार असल्याने शेतकरी चिंतातूर झाला आहे. प्रशासनाने तत्काळ पंचनामे करून शासनाने नुकसानभरपाई देऊन दिलासा द्यावा, अशी मागणी स्वाभिमानी शेतकरी संघटनेचे राज्य समन्वयक कुबेर जाधव यांनी केली आहे.
हेही वाचा:
- पगार मिळाला नाही; तीन मजूरांनी बंगळूरहून ओडिशापर्यंत पायीच कापले अंतर
- Tejasswi Prakash : तेजस्वीच्या नावे आणखी एक फॅशन ॲवॉर्ड, नव्या चित्रपटातील गाणे पहाच
- अपघातामध्ये तातडीची वैद्यकीय सेवा देणारा पहिला घटकच वंचित
