सातपूर परिसरात चोरीचे सत्र सुरूच आहे. काही महिन्यांपूर्वी संदीपनगर येथे उद्योजक बी.जी नागरगोजे यांच्या बंगल्यात भर दिवसा दरोडा पडला होता. अशोकनगर, जाधव संकुल भागात एटीएम तोडफोडीसह, पेट्रोल, सायकल यासह जबरी चोरी व भुरट्या चोरीच्या घटना निरंतर घडतच आहेत. परिसरात रात्री अपरात्री मोकळ्या जागी, बंद व्यावसायिक संकुल या ठिकाणी बसणाऱ्या टवाळखोरांवर कारवाई करावी व बंदोबस्त वाढवावा अशी मागणी सामाजिक कार्यकर्ते संदीप पवार यांनी केली आहे. वरिष्ठ पोलीस निरीक्षक महेंद्र चव्हाण यांच्या मार्गदर्शनाखाली राजू पठाण सहायक पोलीस निरीक्षक हे तपास करीत आहे.
