नाशिक : मालेगाव-चाळीसगाव रस्त्यावर पुन्हा अपघात, एक ठार, तीन जखमी
मालेगाव, पुढारी वृत्तसेवा : मालेगाव तालुक्यात अपघात सत्र सुरू असून मागील सहा दिवसांत पाचवा अपघात आज शुक्रवारी रात्री झाला. मालेगाव-चाळीसगाव मार्गावर हा अपघात झाला आहे. यात एक जण जागीच ठार झाला तर सहप्रवासी गंभीर जखमी झाल्याचे सांगण्यात येत आहे.
मालेगावकडून चाळीसगावच्या दिशेने अॅपेरिक्षा (एम एच ४१ सी ९३९५) जात होती. बोधे फाटा ते शेंदूणी फाटा दरम्यान उभ्या ट्रॅक्टर ट्रॉलीला ही रिक्षा मागून धडकली. त्यात एक जण ठार झाला असून तीन प्रवासी गंभीर जखमी झाले आहेत. त्यांना खासगी रुग्णालयात उपचारार्थ दाखल केल्याची प्राथमिक माहिती आहे. गेल्या रविवारी याच मार्गावर गिगाव फाट्यावर भाविकांचा टेम्पो पलटून चौघांचा मृत्यू झाला होता. दुसऱ्याच दिवशी दुचाकींची समोरासमोर ठोस होऊन एक ठार तर दोघे गंभीर जखमी झाले होते.
हेही वाचलतं का?
- काँग्रेसच्या ‘मरणयातना’ संपेनात ; दारुण पराभवानंतर आणखी एक हादरा बसण्याची शक्यता !
- शरद पवार आणि उद्धव ठाकरे यांची बैठक; वर्षा बंगल्यावर कोणत्या मुद्द्यांवर होणार चर्चा?
- COVID Lockdown in China : ९० लाख लोकसंख्येच्या शहरात कोरोनाचे २ रुग्ण ; चीनने लावला थेट लॉकडाऊन
