मुंबई : आगामी राज्यसभा निवडणुकीच्या निमित्ताने राज्याच्या राजकारणातील एक रंजक माहिती पुढे आली आहे. राजकारणातील प्रभावी घराणे असणाऱ्या पवार कुटुंबातील आजोबा अर्थात ज्येष्ठ नेते शरद पवार आणि त्यांचे नातू म्हणजेच दिवंगत उपमुख्यमंत्री अजित पवार यांचे पुत्र पार्थ पवार हे दोघे राज्यसभेवर बिनविरोध निवडून गेले आहेत; पण या निवडणुकीच्या निमित्ताने आलेल्या संपत्तीच्या आकडेवारीवरून आजोबा शरद पवार यांच्यापेक्षा नातू पार्थ पवार हे श्रीमंत असल्याचे स्पष्ट झाले आहे.
निवडणूक आयोगाकडे शरद पवार आणि पार्थ पवार यांनी राज्यसभा निवडणुकीसाठी उमेदवारी अर्ज दाखल केले होते. त्या अर्जासोबत नियमानुसार या दोघांनी आपल्या संपत्तीचा तपशील असलेले प्रमाणपत्र सादर केले आहे. यामध्ये पार्थ पवारांकडे ज्येष्ठ नेते शरद पवार यांच्यापेक्षा जास्त संपत्ती असल्याचे स्पष्ट झाले आहे.
या प्रतिज्ञापत्रातील माहितीनुसार शरद पवार आणि पत्नी प्रतिभा पवार यांच्या नावे एकूण 60 कोटी 71 लाख रुपयांची मालमत्ता आहे. तर पार्थ पवार यांच्या नावे एकूण 88 कोटी 33 लाख रुपयांची मालमत्ता आहे.
दोघांच्या मालमत्तेचा तपशील
शरद पवार यांची मालमत्ता
जंगम मालमत्ता 44 कोटी 72 लाख रुपये, रोख रक्कम : 1 लाख 25 हजार रुपये
बँका व वित्तसंस्थांमधील मुदत ठेवी : 11 कोटी 66 लाख रुपये
समभाग, म्युचुअल फंडस् आदी : 27 कोटी रुपये
सोने व चांदीचे दागिने वस्तू : 3 कोटी 85 लाख रुपये
स्थावर मालमत्ता : बारामतीतील शेती, घर, सदनिका आदी मालमत्तेचे सध्याचे अंदाजे मूल्य : 15 कोटी 99 लाख रुपये
दायित्व : सुप्रिया एंटरप्रायझेसचे सुमारे 49 लाख 84 हजार रुपये दायित्व
एकूण मालमत्ता : 60 कोटी 71 लाख रुपये
पार्थ पवार यांची मालमत्ता
जंगम मालमत्ता : 11 कोटी 35 लाख रुपये
बँका, टपाल विभाग, विमा व वित्तसंस्थांमधील मुदत ठेवी :
3 कोटी 68 लाख रुपये
समभाग, म्युच्युअल फंडस् आदी :
1 कोटी 17 लाख रुपये
सोने-चांदीचे दागिने वस्तू :
1 कोटी 31 लाख रुपये
स्थावर मालमत्ता : बारामती तालुक्यातील
शेतजमिनी, पुण्यातील घर याचे सध्याचे अंदाजे मूल्य
: 76 कोटी 98 लाख रुपये
बँका किंवा वित्तीय संस्थांचे कर्ज : 92 लाख 48 हजार रुपये
एकूण मालमत्ता : 88 कोटी 33 लाख रुपये 300 रुपये
