मुंबई : पश्चिम रेल्वेवरील 5 आणि 6 व्या मार्गिकेच्या कामासाठी गोरेगाव ते सीएसएमटी दरम्यान लोकल सेवा तीन महिन्यांसाठी बंद करण्यात येणार आहे.
छत्रपती शिवाजी महाराज टर्मिनसच्या पुनर्विकासाचे काम सुरू असून, यासाठी मध्य रेल्वेकडून 1 फेब्रुवारी ते 26 एप्रिलपर्यंत 85 दिवसांचा छत्रपती शिवाजी महाराज टर्मिनस येथील फलाट क्रमांक 16 व 17 वर ट्रॅफिक व पॉवर ब्लॉक घेण्यात येणार आहे. ब्लॉक कालावधीत रेल लँड डेव्हलपमेंट अथॉरिटीकडून काम पूर्ण होऊन फलाट वाहतुकीसाठी सुपूर्द होईपर्यंत दिनांक 1 फेब्रुवारी 2026 पासून फलाट क्रमांक 16 व 17 वरून गाड्यांची वाहतूक पूर्णतः बंद राहील, असे मध्य रेल्वेचे मुख्य जनसंपर्क अधिकारी डॉ. स्वप्निल निला यांनी सांगितले.
सध्या वांद्रे ते बोरिवली दरम्यान पाचवी, सहावी मार्गिका उपलब्ध झाली आहे. मात्र सांताक्रूझ दरम्यान जागा नसल्याने या मार्गिकेचे काम रखडले आहे. या प्रकल्पासाठी 964.84 कोटी रुपये खर्च येणार आहे. 2027 पर्यंत हा प्रकल्प पूर्ण करण्याची मुदत दिली आहे. जमीन अधिग्रहणाची मोठी अडचण झाली असून महालक्ष्मी लोअर परळ येथील शक्ती मिलच्या 88.573 चौरस मीटर जमिनीचा वाद न्यायालयात असून वांद्रे पूर्व येथील गरीब नगर परिसरातील 155 कुटुंबांचे पुनर्वसन करणेदेखील आवश्यक आहे.
