Amin Sayani : अमीन सयानी यांना राज्यपालांकडून श्रद्धांजली

मुंबई; पुढारी वृत्तसेवा : राज्यपाल रमेश बैस यांनी प्रसिद्ध रेडिओ उद्घोषक अमीन सयानी यांच्या निधनाबद्दल दुःख व्यक्त केले आहे. आकाशवाणी व रेडिओ सिलोन वरील आपल्या प्रदीर्घ वाटचालीत अमीन सयानी यांनी हजारो सांगीतिक कार्यक्रम व जिंगल्स सादर करून जगभरातील रसिकांची मने जिंकली. 'बहनो और भाईयो' ही त्यांची उद्घोषणा देखील अतिशय लोकप्रिय ठरली.

सयानी यांच्या अनोख्या शैलीमुळे रेडिओ सिलोन वरील गीतमाला व इतर कार्यक्रम लोकप्रियतेच्या शिखरावर पोहोचले. त्यांच्या निधनामुळे स्वातंत्र्योत्तर काळातील एक महान रेडिओ उद्घोषक व आवाजाचा जादूगार गमावला आहे, असे राज्यपाल बैस यांनी आपल्या शोक संदेशात म्हटले आहे.

हेही वाचा : 

• माेठी बातमी : जरांगे पाटील यांची राज्यव्यापी रास्ता रोकोची हाक
• कांदा निर्यातबंदी उठविण्यासाठी सरकार निवडणुकांची वाट पाहतेय का?
• राष्ट्रवादीचे नेते जितेंद्र आव्हाड, आनंद परांजपे यांची निर्दोष मुक्तता