Maharashtra Politics : अखेर! प्रकाश आंबेडकर महाविकास आघाडीत दाखल
पुढारी ऑनलाईन डेस्क : वंचित बहुजन आघाडीचे सर्वेसर्वा अॅड. प्रकाश आंबेडकर अखेर महाविकास आघाडीत दाखल झाल्याची माहिती महाविकास आघाडीने त्यांच्या अधिकृत ‘X’ अकाउंटवर पोस्ट करत दिली आहे. (Maharashtra Politics) अॅड. प्रकाश आंबेडकर यांच्या महाविकास आघाडीत दाखल झाल्यानंतर अनेक चर्चांना पुर्णविराम मिळाला.
Maharashtra Politics : अखेर चर्चांना पुर्णविराम मिळाला…
वंचित बहुजन आघाडीचा महाविकास आघाडीत समावेश होणार की नाही याच्या चर्चा राजकीय वर्तुळासह सोशळ मीडियावर चर्चा रंगल्या होत्या. महाविकास आघाडीने त्यांच्या ‘X’ अकाउंटवर फोटो शेअर करत म्हटले आहे की, “अखेर! अॅड. प्रकाश आंबेडकर महाविकास आघाडीत. वंचित बहुजन आघाडी हा आणखी एक सोबतीचा पक्ष आता शामील.” फोटोमध्ये वंचित बहुजन आघाडीचे अॅड. प्रकाश आंबेडकर, ठाकरे गटाचे संजय राऊत, राष्ट्रवादीचे जयंत पाटील, जितेंद्र आव्हाड, कॉंग्रेसचे नाना पटोले, अशोक चव्हाण, बाळासाहेब थोरात, वर्षा गायकवाड दिसत आहेत.
संजय राऊत यांनी मंगळवार (दि.३०) रोजी पोस्ट करत म्हटलं होत की, ” वंचित बहुजन आघाडीचा आज महविकास आघाडीत समावेश झाला. ॲड. बाळासाहेब आंबेडकर हे 2 फेब्रुवारी रोजी महाविकास आघाडीच्या बैठकीत सहभागी होतील. वंचितमुळे देशातील हुकूशाही विरोधी लढ्याला नक्कीच बळ मिळेल. भारताचे संविधान धोक्यात आहे. एकत्र येऊन संविधान वाचवावे लागेल.” या पोस्टसह त्यांनी याबाबतचं महाविकास आघाडीने अधिकृत पत्र जारी केलं होतं.
या आघाडीची इंडिया आघाडी होवू नये
महाविकास आघाडीत दाखल झाल्यानंतर प्रथमच माध्यमांशी बोलत असताना प्रकाश आंबेडकर म्हणाले की, “अनेक विषयांवर चर्चा अजुन बाकी आहे. या आघाडीची इंडिया आघाडी होवू नये ही दक्षता घेतली जाणार”
अखेर! @Prksh_Ambedkar महाविकास आघाडीत…
महाविकास आघाडीत, वंचित बहुजन आघाडी हा आणखी एक सोबतीचा पक्ष आता शामील…
.@VBAforIndia @ShivSenaUBT_ @INCMaharashtra @NCPspeaks #PrakashAmbedkar #VBA #MVA pic.twitter.com/D8bduYtva3— महाविकास आघाडी Official (@MahavikasAghad3) February 2, 2024
वंचीत बहुजन आघाडीचा आज महविकास आघाडीत समावेश झाला.
ॲड.बाळासाहेब आंबेडकर हे 2 फेब्रुवारी रोजी महाविकास आघाडीच्या बैठकीत सहभागी होतील.
वंचीत मुळे देशातील हुकूशाही विरोधी लढ्याला नक्कीच बळ मिळेल.भारताचे संविधान धोक्यात आहे. एकत्र येऊन संविधान वाचवावे लागेल.@Prksh_Ambedkar… pic.twitter.com/BpkyWDvlt9— Sanjay Raut (@rautsanjay61) January 30, 2024
मा.बाळासाहेब आंबेडकर यांचे आज महाराष्ट्र विकास आघाडी बैठकीत स्वागत करण्यात आले.
वंचीत बहुजन आघाडी मुळे संविधान रक्षणाच्या लढ्यास बळ प्राप्त होईल.देशातील झुंड शाही विरोधात आम्ही एकत्र लढू! हा निर्धार पक्का!@AUThackeray @BJP4Maharashtra @Dev_Fadnavis @supriya_sule… pic.twitter.com/surFhhhpJb— Sanjay Raut (@rautsanjay61) February 2, 2024
हेही वाचा
- रोहित पवारांची ईडीमार्फत चौकशी : राष्ट्रवादी काँग्रेसचे पिंपरीत घंटानाद आंदोलन
- Mamata Banerjee On Hemant Soren : हेमंत सोरेन यांच्या अटकेनंतर ममता बॅनर्जींची प्रतिक्रिया; म्हणाल्या…’षडयंत्राची पुनरावृत्ती’
- Hemant Soren | झारखंडचे माजी मुख्यमंत्री हेमंत सोरेन यांना आणखी एक धक्का, याचिकेवरील सुनावणीस सुप्रीम कोर्टाचा नकार
- ED Summons To CM Kejriwal: दिल्लीचे मुख्यमंत्री अरविंद केजरीवालांनी पाचव्यांदा ED समन्स धुडकावले