एकनाथ शिंदे प्रभारी मुख्यमंत्री?; सोशल मीडियावरील चर्चेला शिंदेंचे उत्तर

By:backup backup Published on: November 12, 2021, 8:54 AM

मुबंई, पुढारी ऑनलाईन

मुख्यमंत्री उद्धव ठाकरे यांच्यावर आज शस्त्रक्रिया होणार असून पुढील काही दिवस ते विश्रांती घेणार असल्याने प्रभारी मुख्यमंत्री म्हणून नगरविकास मंत्री एकनाथ शिंदे काम पाहतील, अशा आशयाचा मेसेज सोशल मीडियात फिरत आहे. मात्र, शिंदे यांनी यावर स्पष्टीकरण दिले असून असा कोणताही निर्णय झाला नसल्याचे त्यांनी सांगितले आहे. मानेचे आणि मणक्याचे दुखणे वाढल्याने मुख्यमंत्री ठाकरे यांच्यावर एका खासगी रुग्णालयात आज शस्त्रक्रिया होणार आहे. तासाभराची ही शस्त्रक्रिया असली तरी त्यांना पुढील काही दिवस विश्रांती घ्यावी लागणार आहे.

महिला पोलिस अधिकाऱ्याने बेशुद्ध युवकास खांद्यावरून उचलून नेऊन वाचवला जीव

त्यामुळे प्रभारी मुख्यमंत्री म्हणून एकनाथ शिंदे हे काम पाहतील अशा आशयाचे मेसेज दिवसभर फिरत होते. यावर एकनाथ शिंदे यांनी स्पष्टीकरण दिले असून ते म्हणाले, ‘मुख्यमंत्रिपदाचा तात्पुरता कार्यभार माझ्याकडे सोपविण्यात आल्याचे वृत्त सोशल मीडियावरून व्हायरल होत असून त्यात कुठलेही तथ्य नाही. उद्धव ठाकरे यांच्यावर उद्या एक छोटीशी शस्त्रक्रिया होणार आहे. त्यानंतर तीन ते चार दिवस आराम करतील. त्यानंतर ते पुन्हा कार्यरत होतील. त्यामुळे असले खोडसाळ मेसेज पाठवू नयेत. ’

प्रोस्टेट कर्करोगाचा धोका आहारात बदल करून घटवता येतो

मुख्यमंत्री काय म्हणाले…

मुख्यमंत्री उद्धव ठाकरे यांना मान आणि पाठदुखीचा त्रास होत असल्याने त्यांच्या मानेवर शुक्रवारी सकाळी शस्त्रक्रिया केली जाणार आहे. एच. एल. रिलायन्स रुग्णालयात अर्थो सर्जन शेखर भोजराज हे ही शस्त्रक्रिया करणार आहेत. सकाळी सात वाजता ही शस्त्रक्रिया केली जाणार असून त्यानंतर दोन ते तीन दिवस मुख्यमंत्री रुग्णालयातच राहणार आहेत. मुख्यमंत्र्यांनी आपल्या या शस्त्रक्रियेची माहिती देताना म्हटले आहे की, ‘गेल्या सुमारे दोन वर्षांपासून कोरोनाचा मुकाबला करत आहोत. एकीकडे या विषाणूशी लढाई सुरू असताना दुसरीकडे आपले जीवनचक्र सुरू राहावे, राज्यातली विकासकामे सुरूच राहावीत म्हणून आम्ही सगळे कुठेही न थांबता सातत्याने प्रयत्न करतोय. मानदेखील वर करायला वेळ मिळत नव्हता, त्यामुळे साहजिकच माझ्या मानेच्या दुखण्याकडे थोडंसं दुर्लक्ष झाले आणि मानेवर जो परिणाम व्हायचा तो झालाच. त्यामुळे या दुखण्यावर व्यवस्थित उपचार व्हावेत या दृष्टीने डॉक्टरांच्या सल्ल्यानुसार रुग्णालयात दाखल होत आहे. दोन-तीन दिवस तिथेच राहून योग्य ते उपचार घेणार आहे.’

हेही वाचा :