मुलीनेच केला आईचा खून, लालबागमधील 'त्या' निर्घृण खूनाचे गूढ उलगडले
पुढारी ऑनलाईन डेस्क : मुंबईतील लालबाग परिसरातील पेरु कंपाउंडमध्ये एका निर्घृण खुनाची घटना समोर आली होती. या खूनाचे गूढ उकलण्यात काळाचौकी पोलिांना यश आले असून मुलीनेच आपल्या आईचा निर्घृण खून केल्याचे स्पष्ट झाले आहे. रिंपल प्रकाश जैन असे अटक करण्यात आलेल्या महिलेचे नाव आहे, अशी माहिती मुंबई पोलिसांनी दिली.
खून करुन मृतदेह ठेवला होता कपाटात
लालबाग परिसरातील पेरु कंपाउंडमध्ये वीणा जैन यांचा मृतदेह घरातील कपाटात प्लॅस्टिक पिशवीत आढळून आला होता. हा मृतदेह सडलेल्या अवस्थेत होता आणि तो प्लॅस्टिक पिशवीत बांधून एका कपाटात ठेवला होता. या घटनेने लालबाग परिसरात खळबळ उडाली होती. धक्कादायक म्हणजे वीणा यांचे हात आणि पाय कापण्यात आले होते. या प्रकरणी पोलिसांना वीणा जैन यांच मुलगी रिंपल हिच्यावर संशय होता. या प्रकरणी काळाचौकी पोलिस स्थानकात गुन्हा दाखल झाला होता.
प्राथमिक तपासात पोलिसांना वीणा जैन यांच्या मुलीवर संशय होता. २२ वर्षीय रिंपल पोलिसांनी चौकशीसाठी ताब्यात घेतले होते. पोलिसांनी तिची सखोल चौकशी केली असता तिनेच आईचा खून केल्याचे स्पष्ट झाले. रिंपल जैन हिला काळाचौक पोलिसांनी अटक केली आहे.
#UPDATE | Mumbai’s Kalachowki police arrested the daughter of the deceased by registering a case under section 302 of the IPC and the Arms Act in connection with the murder of her mother. The arrested accused has been identified as Rimple Prakash Jain: Mumbai police https://t.co/wu029CZ1Y3 pic.twitter.com/RmIUjjFZCc
— ANI (@ANI) March 15, 2023
हेही वाचा :
- Parbhani : उभ्या ट्रकला मोटारसायकल धडकून पोलीस कर्मचाऱ्याचा मृत्यू
- केंद्राची महाशक्ती पाठीशी, मग राज्यातील सरकारला अडचण काय?, उद्धव ठाकरे यांचा सवाल
- केवळ परीक्षा म्हणजे जीवन नाही, सणही महत्त्वाचे : मद्रास उच्च न्यायालयाने विद्यार्थ्याची याचिका फेटाळली