नवी दिल्ली; पुढारी वृत्तसेवा : शिवसेना कुणाची हे उत्तर जरी केंद्रीय निवडणूक आयोगाने दिले असले तरी पक्षासंदर्भातील खटला अद्याप ही सर्वोच्च न्यायालयात सुरु आहे. अशात राज्यातील सत्तासंघर्षावर मंगळवारी (दि. १४) पुन्हा सुनावणी होणार आहे.ठाकरे गटाच्या वतीने यापूर्वीच्या सुनावणी दरम्यान युक्तिवाद करण्यात आला होता. वरिष्ठ वकील कपिल सिब्बल, अभिषेक मनू सिंघवी यांचा युक्तिवाद पूर्ण झाल्या नंतर मंगळवारी घटनापीठा समक्ष शिंदे गटाच्या वतीने हरीश साळवे, महेश जेठमलानी आणि राज्यपालचे वकील उपस्थित राहतील आणि आपली बाजू मांडातील.
