पत्राचाळ प्रकरणात संजय राऊत पडद्यामागील सूत्रधार - ED
पत्राचाळ प्रकरणात संजय राऊत पडद्यामागील सूत्रधार - ED
पुढारी ऑनलाईन डेस्क : पत्राचाळ भ्रष्टाचार प्रकरणात अटकेत असणारे शिवसेना नेते संजय राऊत यांच्या जामीन अर्जाला EDने विरोध केला आहे. राऊत यांच्या जामीन अर्जावर EDने न्यायालयात प्रत्युत्तर दिले आहे. “कारवाई टाकळण्यासाठी संजय राऊत या प्रकरणात प्रशांत राऊत यांच्या माध्यमातून काम करत होते. संजय राऊत प्रभावी नेते आहेत, त्यांना जामीन मिळाला तर ते पुरावे नष्ट करतील,” असे EDने म्हटले आहे. (Enforcement Directorate opposes Sanjay Raut bail plea)
या प्रकरणात सरकारी मालमत्तेच्या मोबदल्यात संजय राऊत यांना वैयक्तिक लाभ झाला आहे. अशा प्रकारच्या भ्रष्टाचारांचा देशाच्या अर्थव्यवस्थेला मोठा फटका बसतो, त्यामुळे राऊत यांनी जो दिलासा मागितला आहे, तो अयोग्य आहे. या प्रकरणात प्रशांत राऊत यांच्या माध्यमातून राऊत यांनी मोठी भूमिका बजावली आहे. पैशाचा माग राहू नये, यासाठी ते पडद्यामागून काम करत होते. त्यामुळे या प्रकरणात आपल्याला कोणताही लाभ झालेला नाही, हे त्यांचे म्हणणे ग्राह्य मानता येणार नाही, असे EDने म्हटले आहे.
Patra Chawl land scam case | ED files its reply on the bail application of Shiv Sena MP Sanjay Raut; opposes bail. Sanjay Raut had filed an application for bail in the Special PMLA Court in Mumbai, to which the ED filed its reply today. pic.twitter.com/gPwqsgXxSi
— ANI (@ANI) September 16, 2022
सध्या हा खटला महत्त्वाच्या पातळीवर आहे. दररोज नवे पुरावे समोर येत आहेत. या पुराव्यातून या प्रकरणात राऊत यांनी कशी भूमिका निभावली हे पुढे येत आहे. त्यामुळे या स्थितीत त्यांना जामीन देणे योग्य होणार नाही, असे मत EDने नोंदवले आहे. राऊत सध्या पत्राचाळ पुर्नविकास प्रकरणात अटकेत आहेत. EDने ज्या एक कोटी साठ हजार रुपयांची विचारणा केली होती, त्याचा खुलास करण्यात आला आहे, असा दावा त्यांनी केला होता.
हेही वाचा