मुंबई; पुढारी वृत्तसेवा : धनंजय मुंडे यांच्या दबावामुळेच माझ्या आईने आत्महत्या केली तसेच मी जर एक सीडी काढली तर महाराष्ट्र हादरेल असे खळबळजनक वक्त्यव्य करुणा शर्मा यांनी केले आहे. त्या मुंबईत पत्रकार परिषदेत बोलत होत्या.
यावेळी त्यांनी धनंजय मुंडेंवर अनेक गंभीर आरोप केले आहेत. धनंजय मुंडे यांनी माझ्या बहिणाला म्हणजेच रेणू शर्माला खोट्या आरोपाखाली तुरुंगात डांबून ठेवले, रेणू शर्मा धनंजय मुंडेंबाबत पत्रकार परिषदेत मोठा खुलासा करणार होती, मात्र त्या आधीच तिला पोलिसांनी अटक केल्याचा आरोप करुणा शर्माने केला आहे.
मी धनंजय मुडें यांच्या विरोधात दिलेल्या तक्रारीवर कोणतीही कारवाई होत नाही. राष्ट्रवादी धनंजय मुंडे यांना पाठीशी घालत आहे. मी आत्तापर्यंत पवार साहेबांचा मान ठेवत होते. मात्र, या प्रकरणात ते अशा व्यक्तींला पाठीशी घालत असल्याचे बघून वाईट वाटते असेही करुणा शर्मा यावेळी म्हणाल्या.
आपली मुलगी शिवानी धनंजय मुंडे पत्रकार परिषद घेणार होती. मात्र, तिला धमकवल्यामुळे ती पत्रकार परिषदेत गैरहजर राहिली. तसेच मुंडे यांच्या दबावामुळे आमच्यावर अटकेची कारवाई झाली. आणि त्यांच्यामुळेच माझ्या आईने आत्महत्या केली असा आरोपही करुणा शर्माने केला आहे. मी मुंडे यांची पहिली पत्नी आहे. धनंजय मुंडे यांचे अन्य महिलांशीही अनैतिक संबध आहेत. याचे पुरावे आपल्याकडे आहेत, असा दावा करुणा शर्माने या पत्राकार परिषदेत केला आहे.
हे वाचलंत का?
