छ. संभाजीनगर: पैठण तालुक्यात धुवाँधार; बिडकीनला सर्वाधिक पावसाची नोंद

पैठण, पुढारी वृत्तसेवा: पैठण तालुक्यात गेल्या दोन दिवसांत धुवाँधार पाऊस झाला आहे. शनिवारी (दि.२३) रात्री झालेल्या पावसामुळे पैठण शहरात अनेक वसाहतीमध्ये पाणी शिरले. त्यामुळे नागरिकांची चांगलीच तारांबळ उडाली, अनेक समस्यांना तोंड द्यावे लागले. नगरपरिषदेच्या भोंगळ कारभाराविरूद्ध नागरिकांतून संताप व्यक्त करण्यात येत आहे.

हेही वाचा 

• छ. संभाजीनगर : नाथसागर धरणातून डाव्या कालव्याद्वारे आवर्तन सुरू
• छ.संभाजीनगर: दीड महिन्यानंतर अजिंठा लेणीतील सप्तकुंड धबधबा प्रवाहित
• छ. संभाजीनगर: पावसाने दडी मारल्याने एक लाख हेक्टरवरील पिके करपली; बळीराजा चिंतातूरबिडकीन महसूल मंडळात सर्वाधिक १२० मीमी पाऊस पडल्याची नोंद झाली आहे. तालुक्यात शुक्रवार व शनिवारी रात्री विविध महसूल मंडळात जोरदार पाऊस झाला. बिडकीन महसूल मंडळात १२० मीमी व आतापर्यंत एकूण ७३९ मीमी पाऊस झाला. ढोरकीन ५४, बालानगर ३१, नांदर २५, आडुळ ७१, पाचोड २८, लोहगाव ५३, विहामांडवा ४४, पिंपळवाडी पिं १७ मीमी पावसाची नोंद झाल्याची माहिती तहसीलदार सारंग चव्हाण यांनी दिली आहे.

आज (दि.२४) सकाळी नाथसागर धरणाची पाणी पातळी १५०७.७८ फुटामध्ये आहे. पाण्याची टक्केवारी ३६.३५ चिंताजनक आहे. सध्या वरील धरणातून १९ हजार क्युसेक पाण्याचे आवक सुरू आहे. मागील वर्षी याच तारखेला २१५४. २१८ फूट इतकी पाणीपातळी होती. तर ९९.२३ टक्के पाणी पातळीची नोंद झाली होती, असे नाथसागर धरणाचे उपअभियंता विजय काकडे यांनी दिली.

तालुक्यातील विविध गावांमध्ये २५ ठिकाणी पाण्याचे टँकर सुरू असल्याची माहिती गटविकास अधिकारी उषा मोरे यांनी दिली आहे.