बीड : उसाच्या ट्रॉलीला धडकून तरुणाचा जागीच मृत्यू
केज, पुढारी वृत्तसेवा : केज बीड महामार्गावर मस्साजोग येथील पेट्रोल पंपाजवळ ऊस वाहतूक करणारा ट्रॅक्टर आणि मोटार सायकलच्या अपघातात मोटारसायकल स्वारचा जागीच मृत्यू झाला. केज तालुक्यातील पिसेगाव येथील आकाश राजाभाऊ नेहरकर हा तरुण रविवारी रात्री दुचाकीवरून मांजरसुंब्याकडून केजकडे येत होता. या रस्त्यावर मस्साजोग जवळील देशमुख पेट्रोल पंपासमोर त्याची दुचाकी आली होती. त्याच्या समोर ऊस भरलेले ट्रॅक्टर हे गंगा माऊली साखर कारखान्याकडे चाललेले होते. याच वेळी दुचाकीची ट्रॅक्टरच्या ट्रॉलीला पाठीमागून जोराची धडक बसल्याने दुचाकीस्वार आकाश नेहरकर या तरूणाचा जागीच मृत्यू झाला. या घटनेची माहिती मिळताच पोलीस नाईक महादेव बहिरवाल यांनी घटनास्थळी धाव घेतली.
हेही वाचलंत का?
- BJP chief JP Nadda : समान नागरी कायदा राष्ट्रीय मुद्दा, जास्तीत-जास्त राज्यांमध्ये लागू करावा : जेपी नड्डा
- FIFA WC 2022 : मेस्सीने मेक्सिकोविरुद्धच्या सामन्यात विश्वविक्रमासह मॅराडोनाच्या विक्रमाशीही केली बरोबरी
- Sanju Samson Ind vs Nz : संजू सॅमसनला का खेळवलं नाही? कर्णधार शिखर धवनने केला खुलासा