बीड : लाचखोर सहायक उपनिरीक्षकासह पोलीस नाईक एसीबीच्या जाळ्यात

अंबाजोगाई, पुढारी वृत्‍तसेवा : गुन्ह्याच्या तपासात मदत करण्यासाठी तक्रारदाराकडे 25 हजारांची लाचेची मागणी केली. तडजोडअंती 15 हजार रुपये लाच घेण्याचे मान्य केले. या प्रकरणी अंबाजोगाई ग्रामीण पोलीस ठाण्यातील सहायक उपनिरीक्षकासह पोलीस नाईकावर अंबाजोगाई शहर पोलीस ठाण्यात गुन्हा दाखल करण्यात आला आहे. नितीन चंद्रकांत चौरे (वय 33, पोलीस नाईक), प्रमोद प्रताप सेंगर (ठाकूर) (वय 51 सहा.पोलीस उपनिरीक्षक) अशी अंबाजोगाई ग्रामीण पोलीस ठाण्यातील लाचखोर पोलिसांची नावे आहेत.

चौरे व सेंगर यांनी तक्रारदारास त्यांचे कुटुंबियांवर शेतीचे कारणावरून दाखल गुन्ह्याच्या तपासात मदत केली. तसेच पोलीस ठाण्यातच जामीन करण्यासाठी व प्रतिबंधक कारवाई तहसीलदार कार्यालय अंबाजोगाई येथेच करण्यासाठी 25 हजार रुपयांची मागणी केली. तडजोडीअंती 15 हजार रुपये लाच स्विकारण्याचे मान्य केले.

ही लाच गुरूवारी (दि. 28) मागितली होती. तर 2 मार्च व 3 मार्च आणि 1 एप्रिल रोजी याबाबत पडताळणी करण्यात आली. त्‍यानंतर याबाबत अंबाजोगाई शहर पोलीस ठाण्यात दोन्ही लाचखोरांवर गुन्हा दाखल करण्यात आला आहे. ही कारवाई लाचलुचपत प्रतिबंधक विभागाने केली आहे.

हेही वाचा  

जयसिंगपूर : जीएसटी अधीक्षक, निरीक्षक 50 हजार लाच घेताना सीबीआयच्या जाळ्यात 

अजित पवार : 'इकडं हा सत्ताधारी अन् तिकडं तो सत्ताधारी' यास पोलिसांनी बळी पडू नये' 

Russia-Ukraine War : युक्रेनच्या 'या' गावकऱ्यांची कट्टर देशभक्ती; गावात पूर आणून थोपवलं रशियन सैन्य