कोल्हापूर ; पुढारी वृत्तसेवा : नवरात्रौत्सव हा स्त्रीशक्तीचा सण म्हणून ओळखला जातो. मात्र पत्नीच्या शक्तीचा महिमा एका पतीदेवाला पाहायला मिळाला. या प्रकरणात पतीदेवाला लाटण्याचा प्रसाद खाण्याची वेळ आली. पतीची लाटण्याने धुलाई झाल्‍याचे हे प्रकरण इतक्‍यावरच थांबले नाही, तर या प्रकरणाची थेट पोलिस स्‍टेशन मध्ये नोंदही झाली. पतीची लाटण्याने धुलाई झाल्‍याची जोरदार चर्चा सर्वत्र सुरू आहे.
त्‍याच झालं अस की, पत्नी कडाकणी करत होती. यावेळी तीला या कामात वारंवार अडथळे आणणार्‍या या पतीदेवाला लाटण्याचा प्रसाद खाण्याची वेळ आली. प्रकरण थेट पोलिसांत आले असून, याची नोंदही झाली आहे.
कामामुळे इतरत्र पडलेल्या पसार्‍यावरून पतीकडून टोमणे ऐकून पत्नीचा पारा चांगलाच चढला. तिने मी काय करतेय दिसत नाही का? अशी विचारणा करत तिने पोळपाट, लाटण्याचा प्रसाद पतीला दिला. यामध्ये पती किरकोळ जखमी झाला.
