राधानगरी : कुपले कुटुंबीयांवर कोसळली मृत्यूची दरड
राधानगरी तालुक्यातील असंडोली पैकी कुपलेवाड मधील कुपले कुटुंबीय घरची कामे आटोपून झोपी गेली. पण कुपले दाम्पत्यावर मृत्यूची दरड कोसळली. कुपले पती, पत्नीसह दोन मुकी जनावरे या दरडीखाली गाडले गेले. राधानगरी तालुक्यातील असंडोली पैकी कुपलेवाडी येथील घटनेने हळहळ व्यक्त होत आहे.
राधानगरी तालुक्यातील असंडोली पैकी कुपलेवाडीतील वसंत लहु कुपले वय ५८ व त्यांच्या पत्नी सुसाबाई वसंत कुपले ४२ हे दाम्पत्य सायं.१० नंतर जेवण करून झोपी गेले. साडेअकराच्या सुमारास मुसळधार पावसामुळे डोंगराचा काही भाग थेट घरावर आला.
- महाड-तळीये गावात दरड कोसळून ४९ जणांचा मृत्यू
- भूस्खलन : पोलादपुरातील सुतारवाडीत भूस्खलन, ११ जणांचा मृत्यू
- मुंबईतील पावसामुळे मध्य रेल्वेच्या गाड्या झाल्या रद्द
चिखल, मातीसह मोठे दगड घरावर आल्याने कुपले दाम्पत्यासह दोन मुकी जनावरे यामुळे ढिगाऱ्याखाली गाडली गेली. घडलेली घटना उशीरा ग्रामस्थांच्या लक्षात येताच ढिगारा उपसण्याचे काम सकाळी सुरु झाले. दुपारी निद्रावस्थेत असणारे कुपले दाम्पत्य आणी मुकी जनावरे मृतावस्थेत आढळून आली.
झोपी गेलेल्या कुपले दाम्पत्यासह दोन मुक्या जनावरांवर कोसळलेली मृत्यूची दरड काळरात्रच बनली. राधानगरी तालुक्यात संततधार पावसामुळे रस्त्यावर पाणी आल्याने आणी संततधार पावसामुळे बचावकामासह ढिगारा उपसण्यास अडथळे निर्माण होत होते. निद्रावस्थेतील मृतदेह पाहून उपस्थितांचे डोळे पाणावले.
हेही वाचले का?
- कोल्हापूर महापूर : NDRF चे पथक चिखली पूरग्रस्तांच्या मदतीसाठी रवाना
- अतिवृष्टी : सांगली जिल्ह्यात पूरस्थिती गंभीर, हजारो लोकांचे स्थलांतर
- कोल्हापूर महापूर : राधानगरी धरणातून १४२५ क्युसेक विसर्ग
- landslide : सातारा जिल्ह्यात दरड कोसळून २३ लोक बेपत्ता
पाहा व्हिडिओ : कोल्हापूरला महापुराचा विळखा