खवले मांजर बाळगल्याप्रकरणी अटकेत असणाऱ्या तरुणाची जामिनावर मुक्तता

साडवली : पुढारी वृत्तसेवा

विक्री व तस्करीच्या उद्देशाने खवले मांजर बाळगल्याप्रकरणी अटकेत असलेल्या तरुणाची गुरूवारी पोलिस कोठडीची मुदत संपल्यानंतर त्याला देवरूख न्यायालयात हजर करण्यात आले असता त्याची जामिनावर मुक्तता करण्यात आली आहे.

तालुक्यातील मेघी पवारवाडीतील ललित सतिश सावंत हा तरूण देवळे फाटा ते देवळे गाव जाणार्‍या मार्गावर देवालय याठिकाणी खवले मांजराला मोटारसायकलवरून घेऊन जात असल्याची गोपनीय माहिती देवरूख पोलिसांना मिळाली होती.

त्यानंतर पोलिसांनी त्याठिकाणी जाऊन त्याची चौकशी केली असता त्याच्याजवळ एका सिमेंटच्या रिकाम्या पिशवीत जिवंत खवले मांजर आढळून आले. यानंतर त्याच्यावर गुन्हा दाखल करून त्याला अटक करण्यात आली होती.

हेही वाचा

• गंगाखेड-परळी राष्ट्रीय महामार्गावरील वृक्षतोडीने सिने अभिनेते सयाजी शिंदे भावूक!
• त्र्यंबकेश्वर : आमच्या पाण्याची गोष्ट, स्वातंत्र्याच्या 70 वर्षांनंतरही वणवण
• सोलापूर : पाचव्या आंतरराष्ट्रीय गणवेश प्रदर्शन घोषणापत्राचे नितीन गडकरींच्‍या हस्ते लाँचिंग
• Kieron Pollard : कायरन पोलार्डची आंतरराष्ट्रीय क्रिकेटमधून निवृत्ती